१७ कात्तिक, काठमाडौं । काठमाडौं महानगरपालिकाले भत्काउन खोजेको थापाथलीस्थित ट्राफिक प्रहरी कार्यालयमा गृहमन्त्री ओमप्रकाश अर्यालले निरीक्षण गरेका छन् ।
सार्वजनिक जग्गा अतिक्रमण गरेर ट्राफिक प्रहरी कार्यालय खडा गरिएको भन्दै आइतबार महानगर प्रहरीको टोली डोजर लिएर भत्काउन पुगेको थियो ।
जिल्ला प्रशासन कार्यालयको पत्रपछि महानगर प्रहरीले उक्त कार्यालय नभत्काइ फर्किएको थियो ।
यसैबीच सोमबार गृहमन्त्री अर्याल उक्त प्रहरी कार्यालय पुगेका थिए ।
सुरक्षा निकायको मनोबल बढाउन गृहमन्त्री अर्याल आफैं फिल्डमा खटिएको उनको सचिवालयले बताएको छ । उनले त्यहाँ पुगेर प्रहरी कार्यालयमा आक्रमण गर्नु उचित नभएको बताए ।
जेनजी आन्दोलनपछि देशभरका कार्यालय तोडफोड र आगजनी भोगेको प्रहरी प्रशासन त्यसयता त्रसित छ । यस्तो अवस्थामा प्रहरी कार्यालयमा डोजर चलाउनु उपयुक्त नभएको गृहमन्त्री अर्यालको भनाइ छ ।
सो क्रममा मनोवल बढाउनेगरी गृहमन्त्री अर्याल सोमबार बालाजु, कालिमाटी र थापाथलीमा रहेका वृत्त पुगेर अवलोकन गरेका हुन् ।
सो क्रममा उनले प्रहरी कर्मचारीहरूलाई निर्धक्क भएर सुरक्षाको काममा खटिन निर्देशन दिएका छन् ।
(function (d, s, id) var js, fjs = d.getElementsByTagName(s)[0]; if (d.getElementById(id)) return;
js = d.createElement(s);
js.id = id;
js.src = "https://connect.facebook.net/en_US/sdk.js";
fjs.parentNode.insertBefore(js, fjs);
(document, 'script', 'facebook-jssdk'));
Read More