राष्ट्रिय
समाचार.
- नेकपा एमाले कोशी प्रदेश कमिटीले धनकुटाबाट एकल उम्मेदवार राजेन्द्र राईको नाममा उपाध्यक्ष टीकाराम चेम्जोङ र शकुन्तला बस्नेतको नाम थप गरी केन्द्रमा पठाउने निर्णय गरेको छ।
- प्रदेश कमिटीले झापा क्षेत्र नम्बर ५ बाट पार्टी अध्यक्ष केपी शर्मा ओलीको एकल नाम सिफारिस गरेको छ।
- सचिवालय बैठकले प्रत्यक्षतर्फ सिफारिस भएका उम्मेदवारहरूको नाम सुझावसहित केन्द्रमा पठाउने निर्णय गरेको छ।
२४ पुस, विराटनगर । नेकपा एमाले धनकुटाले आगामी प्रतिनिधिसभा निर्वाचनका लागि पठाएको एकल उम्मेदवारको सिफारिस प्रदेश कमिटीले उल्टाइदिएको छ ।
जिल्ला कमिटी मार्फत पूर्वसांसद तथा मन्त्री राजेन्द्र राईले आफ्नो एकल नाम सिफारिस गराएका थिए । प्रदेश कमिटीको सचिवालय बैठकले दुई जना आकाक्षीको नाम थप गर्दै केन्द्रमा पठाउने निर्णय गरेको हो ।
नेकपा एमाले कोशी प्रदेश कमिटीका अध्यक्ष घनश्याम खतिवडाका अनुसार,धनकुटाबाट सिफारिस भएको नाममा प्रदेश कमिटीका उपाध्यक्ष टीकाराम चेम्जोङ र नेतृ शकुन्तला बस्नेतको नाम थप गरी केन्द्रमा पठाउने निर्णय भएको हो ।
धनकुटाबाट सुरुमा एकल नाम सिफारिस भएर आए पनि अन्य योग्य आकांक्षीहरूलाई समेत समेट्न प्रदेश कमिटीले थप नाम समावेश गरेको उनले बताए ।
अन्य जिल्लाको हकमा भने पार्टीको निर्धारित मापदण्ड अनुसार नै सुझावसहित नामहरू अनुमोदन गरिएको उनले बताए ।
खतिवडाका अनुसार झापा क्षेत्र नम्बर ५ बाट पार्टी अध्यक्ष केपी शर्मा ओलीको एकल नाम सिफारिस भएको थियो ।
भोजपुरबाट केन्द्रीय सचिव शेरधन राई, इलाम क्षेत्र नम्बर २ बाट सुहाङ नेम्वाङ र सुनसरी क्षेत्र नम्बर ४ बाट जगदीश कुसियैतको एकल नाम सिफारिस भएको थियो । एकल उम्मेदवार सिफारिस मध्ये ४ वटा क्षेत्रको सिफारिसलाई अनुमोदन गर्दै केन्द्रमा पठाएको उनले बताए ।
सचिवालयको बैठकले प्रतिनिधिसभा निर्वाचनका लागि प्रत्यक्षतर्फ सिफारिस भई आएका उम्मेदवारहरूको नाम आवश्यक सुझावसहित केन्द्रमा पठाउने निर्णय गरेको खतिवडाले बताए ।
प्रदेश सचिवालयको बैठकपछि आकांक्षीको लिष्ट बोकेर प्रदेश अध्यक्ष घनश्याम खतिवडा काठमाडौं पुगेका छन् ।
(function (d, s, id) var js, fjs = d.getElementsByTagName(s)[0]; if (d.getElementById(id)) return;
js = d.createElement(s);
js.id = id;
js.src = "https://connect.facebook.net/en_US/sdk.js";
fjs.parentNode.insertBefore(js, fjs);
(document, 'script', 'facebook-jssdk'));
Read More