काठमाडौं, वैशाख २
काठमाडौं उपत्यकामा बागमती र यसका सहायक नदीका किनारमा रहेका अतिक्रमित बस्ती हटाउने काम शनिबार पनि जारी छ।
संघीय सरकार र काठमाडौं महानगरपालिकाको समन्वयमा काठमाडौं महानगरपालिका–१६ बालाजुस्थित विष्णुमती र धोबीखोला किनारमा रहेका घर र झुपडी हटाउने काम भइरहेको छ । चलिरहेको छ।
यसअघि शुक्रबार बल्खु र कालीमाटी क्षेत्रमा खोला किनारमा सार्वजनिक जग्गा अतिक्रमण गरी निर्माण गरिएका बस्ती सरकारले हटाएको थियो । हालसम्म काठमाडौं उपत्यकामा मात्रै अतिक्रमित सरकारी, सार्वजनिक र निजी जग्गामा गैरकानुनी रूपमा निर्माण गरिएका करिब २ हजार घर तथा झुपडी हटाइएको सहायक प्रमुख जिल्ला अधिकारी रिजालले बताए। सहरी विकास मन्त्रालयका अधिकारीहरूले त्रिपुरेश्वरको दशरथ रंगशालामा भूमिहीन परिवारको अभिलेख सङ्कलन गरिरहेका छन्।