News Summary
Generated by OK AI. Editorially reviewed.
- उद्योग विभागले जेन जी आन्दोलनपछि रोकिएको औद्योगिक सम्पत्ति सम्बन्धी मुद्दाको सुनुवाइ ११ कात्तिकबाट सुरु गर्ने निर्णय गरेको छ।
- पेटेन्ट, डिजाइन र ट्रेडमार्कसम्बन्धी मुद्दाको सुनुवाइ सोमबारदेखि बिहीबारसम्म नियमित इजलासमार्फत सञ्चालन गरिने विभागले जनाएको छ।
- २४ भदौको आगजनीबाट क्षति पुगेको विभागले २१ असोजदेखि अधिकांश सेवा सुचारु गरिसकेको छ।
५ कात्तिक, काठमाडौं। उद्योग विभागमा जेन जी आन्दोलनपछि रोकिएको औद्योगिक सम्पत्ति सम्बन्धी मुद्दाहरुको सुनुवाई ११ कात्तिकबाट सूचारु हुने भएको छ।
विभागका अनुसार पेटेन्ट, डिजाइन र ट्रेडमार्कसम्बन्धी मुद्दाको सुनुवाइका लागि ११ कात्तिकबाट पेशी सुचीमा राख्ने निर्णय भएको छ। त्यसपछि सोमबारबाट बिहीबारसम्म नियमित इजलास सञ्चालन गर्न लागिएको विभागले जनाएको छ ।
२४ भदौको आगजनीबाट विभागमा क्षति पुगेको थियो। त्यसपछि विभागले अधिकाश सेवाहरु २१ असोजबाट सुचारु भएका छन्।
औद्योगिक सम्पत्तिको मुद्दाको सुनुवाइ भने सुचारु हुन सकेको थिएन।