२२ मंसिर, काठमाडौं । स्पेनिस ला लिगा फुटबलअन्तर्गत गएराति भएको खेलमा रियल मड्रिड सेल्टा भिगोसँग पराजित भएको छ । सेल्टा भिगोले रियललाई २-० गोलअन्तरले पराजित गरेको हो ।
घरेलु मैदानमा सेल्टा भिगोको जितमा दुवै गोल विलियट स्वेडबर्गले गरे । उनले खेलको ५४औं मिनेटमा पहिलो गोल गरेका थिए भने इन्जुरी समयको तेस्रो मिनेटमा दोस्रो गोल गर्दैै टोलीलाई जित दिलाए ।
त्यसअघि ६४औं मिनेटमा फ्रान गार्सियाले रातो कार्ड पाएपछि रियल १० खेलाडीमा सीमित भएको थियो । इन्जुरी समयमा अल्भारो कारेरासले पनि रातो कार्ड पाए ।
यो हारसँगै रियलले बार्सिलोनासँग अंकदूरी घटाउने अवसर गुमाएको छ र अब दुईबीच ४ अंकको फरक छ । रियल १६ खेलबाट ३६ अंकमै सीमित हुँदा शीर्षस्थानको बार्सिलोनाको ४० अंक छ ।
रियललाई हराएको सेल्टा भिगो १९ अंकसहित १०औं स्थानमा छ ।
(function (d, s, id) var js, fjs = d.getElementsByTagName(s)[0]; if (d.getElementById(id)) return;
js = d.createElement(s);
js.id = id;
js.src = "https://connect.facebook.net/en_US/sdk.js";
fjs.parentNode.insertBefore(js, fjs);
(document, 'script', 'facebook-jssdk'));
Read More