काठमाडौं, ८ वैशाख
संघीय संसदको दुवै सदनको बैठक आज प्रमुख प्रतिवेदन र विधेयक पेस गर्नका लागि तोकिएको छ।
प्रतिनिधिसभाको बैठक दिउँसो १ बजे बस्नेछ। प्रधानमन्त्री बालेन्द्र शाहले राष्ट्रिय प्राकृतिक स्रोत तथा वित्त आयोगको सातौं वार्षिक प्रतिवेदन, २०८२ प्रस्तुत गर्ने कार्यक्रम रहेको छ । सभामुखले मन्त्रिपरिषद्का सदस्यहरूको पदानुक्रम सम्बन्धी राष्ट्रपति कार्यालयबाट आएको पत्र पनि पढेर सुनाउने कार्यक्रम छ।
त्यसैगरी राष्ट्रिय सभाको बैठक पनि दिउँसो १ः१५ बजे बस्नेछ । बैठकमा प्रधानमन्त्री शाहले अख्तियार दुरुपयोग अनुसन्धान आयोगको आर्थिक वर्ष २०८१/८२ को वार्षिक प्रतिवेदन पेश गर्ने कार्यक्रम छ ।