१४ कात्तिक, काठमाडौं । भारतका पूर्वक्रिकेटर मोहम्मद अजहरुद्दीनलाई तेलंगाना सरकारमा मन्त्री बनाइएको छ । अजहरुद्दीनलाई तेलंगानाका राज्यपाल जिष्णुदेव बर्माले शुक्रबार शपथ खुवाएका छन् ।
तेलंगाना सरकारको वेबसाइटका अनुसार वर्तमान सरकारमा मन्त्रीका रूपमा अजहरभन्द अघि कुनै मुस्लिम अनुहार थिएन । विपक्षीले अजहरुद्दीनलाई मन्त्री बनाइनुको कारण तेलंगानामा हुन गइरहेको जुबली हिल्स विधानसभा उपचुनावसँग जोडेका छन् ।
मोहम्मद अजहरुद्दीन क्रिकेट मैदानमा आफ्नो शानदार फिल्डिङ र ब्याटिङका लागि प्रख्यात थिए । उनले भारतीय टिमको कप्तानी पनि गरिसकेका छन् ।
अजहरले ९९ टेस्ट म्याचमा ४५ भन्दा बढीको औसतमा ६ हजार २१५ रन बनाएका थिए । उनले ३३४ एक दिवसिय खेलमा झण्डै ३७ को औसत दरमा ९ हजार ३७८ रन जोडेका थिए ।
क्रिकेट छोडेपछि अजहरुद्दीन राजनीतिमा उत्रिएका थिए । उनी उत्तर प्रदेशको मुरादाबाद सिटबाट कांग्रेसको टिकटमा सन् २००९ मा सांसद बनेका थिए ।
(function (d, s, id) var js, fjs = d.getElementsByTagName(s)[0]; if (d.getElementById(id)) return;
js = d.createElement(s);
js.id = id;
js.src = "https://connect.facebook.net/en_US/sdk.js";
fjs.parentNode.insertBefore(js, fjs);
(document, 'script', 'facebook-jssdk'));
Read More