मृतक जवान उत्तम थापा र असई मिलन राय
राष्ट्रिय
समाचार.
- जेनजी आन्दोलनको क्रममा प्रहरी वृत्त महाराजगञ्जमा कार्यरत दुई प्रहरीको हत्यामा नाबालक पनि संलग्न भएको आरोपमा मुद्दा दर्ता गरिएको छ।
- महाराजगञ्ज वृत्तका असई मिलन राय र जवान उत्तम थापाको हत्यामा संलग्न दुई नाबालकविरुद्ध काठमाडौं जिल्ला अदालतमा ज्यानसम्बन्धी कसुरमा मुद्दा दायर गरिएको छ।
- २४ भदौको जेनजी आन्दोलनमा तीन प्रहरीसहित ७६ जनाको मृत्यु भएको थियो भने हत्यामा संलग्न पाँच जना पक्राउ परेका छन् र पुर्पक्षका लागि कारागार चलान भएका छन्।
१९ कात्तिक, काठमाडौं । जेनजी आन्दोलनको क्रममा प्रहरी वृत्त महाराजगञ्जमा कार्यरत दुई प्रहरीको हत्यामा नाबालक पनि संलग्न आरोप लागेको छ ।
हत्यामा संलग्न रहेको तस्वीर र भिडियोमा देखिएको आरोपमा प्रहरीले नाबालकविरुद्ध मुद्दा दर्ता गरेको हो । महाराजगञ्ज वृत्तका असई मिलन राय र जवान उत्तम थापाको हत्यामा नाबालक पनि देखिएपछि उनीहरू विरुद्ध मुद्दा चलाइएको छ ।
दुई नाबालकविरुद्ध ज्यानसम्बन्धी कसुर र आपराधिक उपद्रवको कसुरमा काठमाडौं जिल्ला अदालतमा मुद्दा दायर गरिएको छ ।
२४ भदौको जेनजी आन्दोलनमा राय र थापाका साथै प्रहरी प्रभाग कोटेश्वरमा कार्यरत अमृत गुरुङको हत्या भएको थियो । प्रहरी हत्या आरोपमा पक्राउ परेका ५ जनाविरुद्ध यसअघि नै मुद्दा चलेको थियो ।
असई रायको हत्या आरोपमा सिन्धुपाल्चोकको त्रिपुरासुन्दरी गाउँपालिका– ४ घर भएका ६२ वर्षका होमप्रसाद पौडेल र उदयपुरको चौदण्डीगढी नगरपालिका–१० हडिया घर भएका २८ वर्षीय टिकाराम विक पक्राउ परेका थिए ।
उनीहरूविरुद्ध कर्तव्य ज्यान र आपराधिक उपद्रवको कसुरमा मुद्दा दर्ता भएकोमा दुबै जना पुर्पक्षका लागि कारागार चलान भएका थिए ।
त्यसैगरी प्रहरी जवान उत्तम थापाका हत्या आरोपमा काभ्रेको रोशी गाउँपालिका–९ राजवास घर भएका २८ वर्षीय युवराज क्याप्छाकी र मकवानपुरको थाहा नगरपालिका–७ बतासे घर भएका २१ वर्षीय सोनाम तामाङ भन्ने बुद्धिलाल थिङ पक्राउ परेका थिए । उनीहरू पनि पुर्पक्षका लागि कारागार चलान भएका थिए ।
सहायक हवल्दार अमृत गुरुङको हत्या आरोपमा पक्राउ परेका कैलालीका अनुयम भण्डारी पनि पुर्पक्षका लागि कारागार चलान भएका थिए । जेनजी आन्दोलनमा ३ प्रहरीसहित ७६ जनाको मृत्यु भएको थियो ।
js = d.createElement(s);
js.id = id;
js.src = "https://connect.facebook.net/en_US/sdk.js";
fjs.parentNode.insertBefore(js, fjs);
(document, 'script', 'facebook-jssdk'));
Read More