काठमाडौं, मे २५
प्रधानमन्त्री बालेन्द्र शाहले मंगलबार युरोपेली संघ (EU) सदस्य राष्ट्रका गैरआवासीय राजदूत र नियोग प्रमुखहरूसँग संयुक्त बैठक गर्ने कार्यक्रम छ।
प्रधानमन्त्री सचिवालयका अनुसार बिहान ११ः३० बजे प्रधानमन्त्री तथा मन्त्रिपरिषद्को कार्यालयमा बैठक बस्नेछ।
प्रधानमन्त्रीका प्रेस तथा अनुसन्धान विज्ञ दीपा दाहालले छलफलमा नेपालको वर्तमान प्राथमिकता, द्विपक्षीय सम्बन्ध सुदृढीकरण र सहकार्यका क्षेत्रका विषयमा केन्द्रित रहने बताउनुभयो ।
यसअघि अप्रिल ८ मा प्रधानमन्त्री शाहले नेपालस्थित राजदूत र कूटनीतिक नियोगका प्रमुखहरूसँग यस्तै सामूहिक अन्तरक्रिया गरेका थिए।