फाइल तस्वीर
१३ कात्तिक, काठमाडौं । नेपाली कांग्रेसका नेता प्रदीप पौडेलले पुस मसान्तभित्र नियमित महाधिवेशन गर्नुपर्ने बताएका छन् ।
कांग्रेसभित्र नियमित र विशेष महाधिवेशनका लागि रस्साकस्सी चलिरहेका बेला पौडेलले यस्तो बताएका हुन् ।
पार्टी केन्द्रीय कार्यालय सानेपामा बिहीबार सञ्चारकर्मीहरूसँगको संक्षिप्त कुराकानीका क्रममा उनले पुस मसान्तभित्र सक्ने गरी नियमित महाधिवेशन गर्नु नै अहिलेको समाधान भएको बताए ।
‘२४ मंसिरभित्र वडा अधिवेशन गर्ने, पुस मसान्तभित्र महाधिवेशन सक्ने,’ नेता पौडेलले भने, ‘यही नै नेपाली कांग्रेसको अहिलेको समाधान हो । निर्वाचनमा जानका लागि कांग्रेसले गर्नुपर्ने काम नै यही हो ।’
उनले यही विषयमा जारी केन्द्रीय कार्यसमिति बैठकमा छलफल भइरहेको पनि बताए ।
‘त्यसैले त्यही कुरा हामीले गरिरहेका छौँ । त्यही छलफल भइरहेको छ,’ पौडेलले भने ।