News Summary
Generated by OK AI. Editorially reviewed.
- नेपाल सुनचाँदी व्यवसायी महासंघले मंगलबार सुनको भाउ प्रतितोला २ लाख ३७ हजार रुपैयाँ तोकेको छ, जुन अघिल्लो दिनभन्दा २ हजार ९ सय रुपैयाँ कम हो।
- चाँदीको भाउ पनि प्रतितोला २९२० रुपैयाँमा झरेको छ, जुन अघिल्लो दिनको २९८० रुपैयाँभन्दा ६० रुपैयाँ कम हो।
- अमेरिका र चीनबीच व्यापारिक तनाव कम हुनु र सम्झौताको ड्राफ्टमा सहमति जुट्नुले अन्तर्राष्ट्रिय बजारमा सुनचाँदीको भाउ घटेको छ।
११ कात्तिक, काठमाडौं । मंगलबार पनि सुनको भाउ घटेको छ । अघिल्लो दिनको तुलनामा प्रतितोला २ हजार ९ सय रुपैयाँ मूल्य घटेको नेपाल सुनचाँदी व्यवसायी महासंघले जनाएको छ । महासंघका अनुसार यस दिन सुनको भाउ प्रतितोला २ लाख ३७ हजार रुपैयाँ तोकिएको छ ।
अघिल्लो दिन २ लाख ३९ हजार ९ सय रुपैयाँमा सुनको कारोबार भएको थियो । चाँदीको भाउ पनि तोलामा ६० रुपैयाँ घटेको छ । अघिल्लो दिन प्रतितोला २९८० रुपैयाँमा चाँदीको कारोबार भएकोमा आज २९२० मा झरेको छ ।
अन्तर्राष्ट्रिय बजारमा सुनचाँदीको भाउ घटेसँगै नेपाली बजारमा पनि घट्दै गएको छ । तिहारपछि सुनको भाउ प्रतितोला १६ हजार ५ सय रुपैयाँ घटिसकेको छ । असोज ३१ गते सुनको भाउ हालसम्मकै उच्च २ लाख ५८ हजार रुपैयाँ पुगेको रेकर्ड छ । त्यस्तै सोही दिन चाँदी प्रतितोला ३३५० रुपैयाँसम्म पुगेको थियो ।
अन्तर्राष्ट्रिय बजारमा सुनचाँदीको भाउ घट्नुको मुख्य कारण : अमेरिका र चीनबीचको व्यापारिक तनाव कम हुनु हो । अमेरिका र चीनबीच हुने व्यापारिक सम्झौताको ड्राफ्टमा सहमति जुटेसँगै सुनचाँदीको भाउ घटेको अन्तर्राष्ट्रिय सञ्चारमाध्यमले जनाएका छन् ।
आर्थिक सबलतामा सबैभन्दा ठूला शक्ति राष्ट्रबीचको यो सहमतिले सुनको माग घटेसँगै मूल्यमा कमी आएको हो । अर्कोतर्फ यसले विश्वको सेयर बजारलाई सकारात्मक प्रभाव पारेको छ ।
js = d.createElement(s);
js.id = id;
js.src = "https://connect.facebook.net/en_US/sdk.js";
fjs.parentNode.insertBefore(js, fjs);
(document, 'script', 'facebook-jssdk'));
Read More