काठमाडौं, वैशाख ५
नेपालको संघीय संसदको तल्लो सदन प्रतिनिधिसभाको १० औं सभामुखमा डोलप्रसाद अर्याल निर्वाचित भएका छन् ।
आइतबारको प्रतिनिधिसभाको बैठकमा राष्ट्रिय स्वतन्त्र पार्टी (रासपा) का अध्यक्ष रवि लामिछानेले प्रस्ताव राखेपछि अर्याल निर्विरोध निर्वाचित भएका हुन् । उक्त प्रस्तावलाई सांसदहरु शोविता गौतम, स्वर्णिम वाग्ले र सुनिल लम्सालले समर्थन गरेका थिए ।
प्रस्तावक र समर्थकहरुको भनाइपछि बैठकको अध्यक्षतामा रहेका ज्येष्ठ सदस्य अर्जुननरसिंह केसीले औपचारिक रुपमा अर्याललाई निर्विरोध निर्वाचित भएको घोषणा गरेका थिए । केसीले अर्याललाई पनि बधाई दिँदै सफल कार्यकालको कामना गरे
अर्याल यसअघि राप्रपाको उपाध्यक्ष थिए।
प्रतिनिधिसभाको अर्को बैठक सोमबार दिउँसो १ बजे बोलाइएको छ।