१६ कात्तिक, काठमाडौं । काठमाडौं महानगरपालिका-१७ क्षेत्रपाटी चोकमा प्रभात मल्लले सञ्चालन गरेको कपडा पसलमा संकास्पद वस्तु फेला पर्यो ।
३८ वर्षीय मल्लले सञ्चालन गरेको कपडा पसलको ‘चेन्जिङ रुम’मा कपडाले बेरेर राखेको अवस्थामा पेस्तोल जस्तो वस्तु देखियो । यो सूचना प्रहरी वृत्त स्वयम्भूसम्म पुग्यो । सूचनाअनुसार प्रहरीले छापा मार्दा पेस्तोल फेला पर्यो ।
कपडाले बरेर राखेको उक्त पेस्तोलसहित प्रहरीले काठमाडौं बानेश्वर घर भएका मल्ललाई पक्राउ गर्यो । अनुसन्धान गर्दा खुल्यो-पेस्ताल जेनजी आन्दोलनमा प्रहरीबाट लुटेको र मल्लले एक लाखमा खरिद गरेको ।
मल्लले उक्त पेस्तोल सुमिन शाक्यबाट किनेको बताएपछि यो प्रकरणमा किनबेच गर्ने र पेस्तोल लुट्नेसम्म गरी पाँच जना पक्राउ परे ।
धादिङको धुनिवेशी गाउँपालिका घर भएका २१ वर्षीय कृष्ण गुरुङ, काठमाडौं महानगरपालिका-१५ का २५ वर्षीय राजन देउला, भारतको सीतामणिका २४ वर्षीय अकबर खान, काठमाडौं बिजेश्वरी बस्ने २६ वर्षीय सुमिन शाक्य र काठमाडौं नयाँ बानेश्वर बस्ने ३८ वर्षीय प्रभात मल्ल पक्राउ परे ।
मल्ल हतियार खरिद गर्ने व्यक्ति रहेको जिल्ला प्रहरी परिसर काठमाडौंका एस्पी तथा प्रवक्ता पवनकुमार भट्टराईले बताए ।
कृष्ण गुरुङ भने पेस्तोल लुटपाटमा संलग्न र अन्य तीन भने बिक्रीमा संलग्न व्यक्ति रहेको प्रहरीले जनाएको छ ।
उनीहरूबाट प्रहरीले एक थान पेस्तोल, त्यसको म्यागजिन र १५ राउण्ड गोली बरामद गरेको छ । पक्राउ परेकाहरू विरुद्ध हातहतियार तथा खरखजनाको कसुरमा काठमाडौं जिल्ला अदालतबाट ६ दिनको म्याद लिएर अनुसन्धान अघि बढाइएको छ ।
(function (d, s, id) var js, fjs = d.getElementsByTagName(s)[0]; if (d.getElementById(id)) return;
js = d.createElement(s);
js.id = id;
js.src = "https://connect.facebook.net/en_US/sdk.js";
fjs.parentNode.insertBefore(js, fjs);
(document, 'script', 'facebook-jssdk'));
Read More