राष्ट्रिय
समाचार.
- रुकुमपूर्वको सिस्ने गाउँपालिका वडा-१ मा अवस्थित गुप्ता दह र सिस्ने हिमाल प्राकृतिक सौन्दर्यका प्रमुख स्थल हुन्।
- सिस्ने हिमालको उचाइ ५,९११ मिटर छ र यसै हिमालको नामबाट सिस्ने गाउँपालिकाको नामकरण गरिएको छ।
- गाउँपालिका अध्यक्ष कृष्ण रेग्मीले यस वर्ष पर्यटन प्रवर्द्धनका लागि बजेट विनियोजन गरिएको र उत्कृष्ट पर्यटन स्थल बनाउन प्रयास भइरहेको बताए।
६ मंसिर, रुकुमपूर्व । रुकुमपूर्वको सिस्ने गाउँपालिका वडा-१ स्थित अवस्थित गुप्ता दह र सिस्ने हिमाल हिमालै-हिमालको बीचमा लुकेका प्राकृतिक सौन्दर्य हुन् ।
यहाँको दृश्यमा साना-ठूला पहाडका थुम्का र ती थुम्काका बीच टिलपिलाइरहेका दहहरूले आगन्तुकको मन लोभ्याउँछन् ।
‘गुप्त दह पुग्न सहज छैन । घुम्न गएका सञ्जीप खड्काका अनुसार त्यहाँ पुग्ने बाटो कठिन छ भने बसाइ-व्यवस्था पनि चुनौतीपूर्ण छ । तर, एकपटक यहाँ पुग्ने हो भने टाढा-टाढा रोल्पा, सल्यान, दाङ तथा रुकुमपूर्व-पश्चिमका विभिन्न ठाउँबाट पनि सिस्ने हिमालको दृश्य अवलोकन गर्न सकिन्छ’, खड्काले भने ।
सिस्ने हिमालको उचाइ ५,९११ मिटर छ र यसै हिमालको नामबाट सिस्ने गाउँपालिकाको नामकरण समेत गरिएको हो ।
‘गुप्ता दह केवल एक छैन, सानो र ठूलो गरी दुई गुप्त दह छन् । दर्जन बढी ताल रहेका यी दहहरूको नाम ‘गुप्त’ हुनुको कारण तिनीहरू गुमनाम अवस्थामा रहँदै आएको हो’, वडाध्यक्ष रजबहादुर बुढाले भने, ‘गुप्ता दहलाई स्थानीय भाषामा लिरुमारे पनि भनिन्छ । प्राचीन समयमा शिकारीले लिरु नामक जनावर मार्दा ‘लिरु मारे’ भन्ने नाम रहन गएको हो ।’
गाउँपालिका अध्यक्ष कृष्ण रेग्मीका अनुसार यस वर्ष पर्यटन प्रवर्द्धनका लागि बजेट विनियोजन गरिएको छ ।
गत वर्ष केही काम भए पनि यस वर्ष गाउँपालिकाले र जिल्लाको उत्कृष्ट पर्यटन स्थल बनाउने लक्ष्य राखेको र पर्यटन हब बनाउन गाउँपालिका लागि परि रहेको उनले बताए ।
तस्वीरहरू : बालाराम शेर्पाली ।
(function (d, s, id) var js, fjs = d.getElementsByTagName(s)[0]; if (d.getElementById(id)) return;
js = d.createElement(s);
js.id = id;
js.src = "https://connect.facebook.net/en_US/sdk.js";
fjs.parentNode.insertBefore(js, fjs);
(document, 'script', 'facebook-jssdk'));
Read More