काठमाडौं, जेठ २२
ट्राफिक प्रहरीले पछिल्लो २४ घण्टामा काठमाडौं उपत्यकामा ट्राफिक नियम उल्लंघन गर्ने २ हजार ७६ सवारीसाधनलाई कारवाही गरी रु १५ लाख ३० हजारभन्दा बढी जरिवाना गरेको छ ।
ट्राफिक प्रहरीका प्रवक्ता तथा प्रहरी उपरीक्षक नरेशराज सुवेदीका अनुसार उल्लङ्घनमा मादक पदार्थ सेवन गरी सवारी चलाउने ८८, अनाधिकृत राइड सेयर गर्ने ९३, ट्राफिक संकेत उल्लङ्घनका ११७ र ओभरस्पिडिङका २२८ घटना रहेका छन्। निषेधित क्षेत्रमा हनर बजाउने ५७, सडकको छेउमा पार्किङ गरेको ९० र एकतर्फी ट्राफिक नियम विपरीत सवारी चलाउने ८८ मुद्दा परेका छन् । अन्य विभिन्न ट्राफिक अपराधमा १,१८६ सवारीसाधनलाई जरिवाना गरिएको उनले बताए।