काठमाडौं, मङ्सिर ९
सञ्चार तथा सूचना प्रविधिमन्त्री जगदीश खरेलले सङ्घर्षको घडीमा पनि सकारात्मकता कायम राख्दा नै वास्तविक आनन्द प्राप्त हुने बताउनुभएको छ । जीवन विज्ञानसँगको सहकार्यमा मन्त्री खरेलले भने, “दु:खमा पनि खुसी हुनु नै सबैभन्दा ठूलो सुख हो ।”
जीवनमा आएका चुनौतिहरूलाई आत्मसन्तुष्टि र सकारात्मक सोचका साथ स्वीकार गर्न सके मानसिक शान्ति दिर्घकालिन हुने उनले जोड दिए ।
आध्यात्मिक गुरु एलपी भानुले नेपालमा मानसिक स्वास्थ्य समस्या बढेको उल्लेख गर्दै आफूभित्र खुसी खोज्न नसक्दा तनाव र आत्महत्याका घटनाहरू बढ्दै गएको बताए। उनले जीवन विज्ञानको अभ्यासले मानसिक सन्तुलन कायम गर्न आत्मसाक्षात्कार र ध्यानलाई प्रवर्द्धन गर्ने बताए।
कार्यक्रममा प्रेस काउन्सिल नेपालका सदस्य पदमराज जोशी, नेपाल पत्रकार महासंघकी अध्यक्ष निर्मला शर्मा, मन्त्रालयका अधिकारीलगायतको सहभागिता रहेको थियो।
(RSS)