काठमाडौं, २८ नोभेम्बर
काठमाडौंमा जारी दोस्रो संस्करणको नेपाल प्रिमियर लिग (एनपीएल) अन्तर्गत आज दुई खेल हुँदैछन् ।
टियू अन्तर्राष्ट्रिय क्रिकेट मैदानमा पहिलो खेल चितवन राइनोज र काठमाडौं गोर्खासबीच बिहान ११ः४५ बजे हुनेछ भने दोस्रो खेल कर्णाली याक्स र विराटनगर किंग्सबीच अपरान्ह ४ः०० बजे हुनेछ ।
अङ्क बोर्डमा चितवन चार अंकसहित तेस्रो स्थानमा छ भने काठमाडौंले अहिलेसम्म दुई अंक जोडेको छ। त्यसैगरी तीन खेलबाट दुई अंक जोडेको कर्णाली प्लेअफ यात्रालाई निरन्तरता दिन आज जित दर्ता गर्ने दबाबमा छ । विराटनगरले अंक तालिकामा चार खेलबाट ६ अंक जोडेर दोस्रो स्थान कायमै राखेको छ । आजको टोलीले जित हासिल गरे विराटनगरको प्लेअफ यात्रा सहज हुनेछ।