४ मंसिर, काठमाडौ । नेकपा एमालेले महाधिवेशन प्रतिनिधि चयनको मापदण्ड संशोधन गर्ने निर्णय गरेको छ ।
केन्द्रीय कार्यालय च्यासलमा बसेको सचिवालय बैठकले मापदण्ड संशोधन गर्दै कार्यकर्ताहरूबाट चयन भएर आउने प्रतिनिधि संख्या बढाउने निर्णय गरेको हो ।
यसअघि एमालेले १२ सय सदस्यलाई आधार मानेर ४ जना प्रतिनिधि चयन गर्ने र थप ८ सय सदस्य बराबर एक जना प्रतिनिधि थप्दै लैजाने निर्णय गरेको थियो ।
उपमहासचिव प्रदीप ज्ञवालीका अनुसार संशोधित मापदण्ड बमोजिम अब शेष संख्या ५० प्रतिशत कटे थप एक जना प्रतिनिधि बढी आउनेछन् ।
‘शेषमा ५० प्रतिशत कटेको छ भने थप एक प्रतिनिधि पाउने भयो,’ बैठक पछि ज्ञवालीले भने, ‘मानौं– १२ सयसम्म हाम्रो थ्रेसहोल्ड भयो । थप ८ सय भएपछि थप एक जना प्रतिनिधि भनेका थियौं । तर अब १६०१ एक भए पनि थप एक जना पाउनेगरी निर्णय गरेका छौ ।’
एमालेले प्रवासी नेपाली संघ भारत र प्रवासी नेपाली मञ्च अन्तर्राष्ट्रिय कमिटीबाट पनि दुई महिला सहित ५/५ जना प्रतिनिधि थप गर्ने निर्णय गरेको छ ।
यस्तै, उपत्यका विशेष र सम्पर्क समन्वय अन्तर्गत एघार वटा विशेष जिल्ला कमिटीबाट पनि एक जना प्रतिनिधि ४० वर्ष मुनिका युवा चयन हुने भएको छ ।
एमालेका प्रतिनिधि चयन मापदण्डले कार्यकर्ताको सर्वोच्चतालाई अवमूल्यन गरेके रिर्पोट अनलाइनखबरमा प्रकाशित भएको थियो ।
(function (d, s, id) var js, fjs = d.getElementsByTagName(s)[0]; if (d.getElementById(id)) return;
js = d.createElement(s);
js.id = id;
js.src = "https://connect.facebook.net/en_US/sdk.js";
fjs.parentNode.insertBefore(js, fjs);
(document, 'script', 'facebook-jssdk'));
Read More