काठमाडौं, मङ्सिर १८
नेकपा (एमाले) ले प्रतिनिधिसभा पुनर्स्थापनाको माग गर्दै सर्वोच्च अदालतमा रिट दायर गर्ने निर्णय गरेको छ ।
एमालेबाट प्रतिनिधित्व गर्ने विघटन प्रतिनिधिसभा सदस्यको बैठकमा उनीहरुको हस्ताक्षरसहितको निवेदन पेस गर्ने निष्कर्ष निकालिएको पार्टीका प्रमुख सचेतक महेश बर्तौलाले जानकारी दिए । बर्तौलासहित सचेतक सुनिता बराललाई औपचारिक रुपमा निवेदन दर्ता गर्ने अधिकार दिइएको छ।
एमाले केन्द्रीय कार्यालय च्यासलमा भएको बैठकमा पार्टी अध्यक्ष एवं पूर्वप्रधानमन्त्री केपी शर्मा ओलीले संसद् पुनःस्थापनाका लागि कानुनी उपचार र शान्तिपूर्ण सङ्घर्ष दुवै अघि बढाउनुपर्नेमा जोड दिए ।