प्रभास स्टारर दक्षिण भारतीय फिल्म ‘बाहुबलीः द एपिक’ ले भारतीय बक्स अफिसमा १७ करोड भारू कमाएको छ। एसएस राजामौली निर्देशित यो फिल्मले शनिबारसम्म उक्त कमाइ गरेको हो।
भारतीय ट्रेड वेबसाइट स्याकनिल्कका अनुसार, फिल्मले शनिबार भारतमा अनुमानित ६.६२ करोड नेट कलेक्सन गरेको छ। जसले यसको कुल घरेलु कमाइ १७.१७ करोड भारू पुर्याएको छ। फिल्मले बिहीबारको सशुल्क प्रिमियरबाट १.१५ करोड र ओपनिङ दिन ९.४ करोड कमाएको थियो। यसले भारतमा १०.५५ करोड र विश्वभर १९ करोडको ओपनिङ कलेक्सन गरेको थियो।
यो फिल्म ‘बाहुबलीः द बिगिनिङ’ (२०१५) र ‘बाहुबली २ः द कन्क्लुजन’ (२०१७) को संयोजन हो।
‘बाहुबलीः द एपिक’ मा प्रभाससहित राणा दग्गुबाती, अनुष्का सेट्टी, तमन्ना भाटियालगायतको अभिनय छ।
फिल्मको कुल प्रदर्शन अवधि (रनटाइम) ३ घण्टा ४५ मिनेट छ। नेपालमा सिनेमा हलमा पनि फिल्म प्रदर्शन भइरहेको छ।