१४ कात्तिक, काठमाडौं । प्रधानमन्त्री भएयता सुशीला कार्कीलाई काठमाडौं मेयर बालेनले दुईपल्ट भेटिसके ।
पहिलो भेटमा २३ भदौको युवा संहारका बेला प्रधानमन्त्री रहेका केपी ओली र गृहमन्त्री रमेश लेखक समात्ने एजेन्डा प्रमुख थियो ।
दोस्रो भेटमा चाहिँ उनले गृहमन्त्री ओमप्रकाश अर्यालप्रति विरक्ति पोखेको प्रसंग यति बेला चर्चामा छ ।
प्रधानमन्त्रीको सचिवालयले गृहमन्त्रीको राजीनामा मेयर बालेनबाट नमागिएको दाबी गर्दै बिहीबार प्रेस वक्तव्यमार्फत् खण्डन नै गर्यो ।
यद्यपि बालेनसँग सल्लाह नगरी तत्कालीन महानगर सल्लाहकार रहेका अर्याल गृहमन्त्री बनेको भन्दै उनको टिम रुष्ट छ ।
सुशीला र बालेनको सम्बन्ध र सम्पर्क कुन तहसम्म विकसित छ त ? सम्पादकहरूको जिज्ञासामा शुक्रबार साँझ प्रधानमन्त्रीले भनिन्, ‘५–६ पल्ट भेट भइसकेको छ । म प्रधानमन्त्री भएपछि पनि २ पल्ट भेट भइसक्यो । आज बिहान पनि फोनमा कुरा भएको थियो । बालेनलाई म छोरो भनी बोलाउँछु । उसले चाहिँ मलाई दिदी भन्छ । उसले गृहमन्त्रीको राजीनामा मागेको छैन ।’
तर, बालेनले आफ्ना कुरा भने नसुन्ने गरेको प्रधानमन्त्रीको गुनासो छ । बालेनको प्रसंगमा प्रधानमन्त्री कार्कीले भनिन्, ‘उसले हाम्रा कुरा सुन्दैन, आफ्ना कुरा मात्र भन्छ, उसको बानी फरक छ, भदौ २३ गतेको दमनकारीलाई किन पक्राउ नगरेको भन्छ, मलाई जहाँसम्म लाग्छ उ पार्टी खोल्ने खालको मान्छे होइन ।’
js = d.createElement(s);
js.id = id;
js.src = "https://connect.facebook.net/en_US/sdk.js";
fjs.parentNode.insertBefore(js, fjs);
(document, 'script', 'facebook-jssdk'));
Read More