काठमाडौं, वैशाख १०
राष्ट्रपति रामचन्द्र पौडेलले सिंहदरबारस्थित संघीय संसद भवनको बहुउद्देश्यीय बैठक हलमा सङ्घीय संसद्का दुवै सदनको संयुक्त बैठकलाई सम्बोधन गर्नुभएको छ ।
बैठकमा प्रधानमन्त्री बालेन्द्र शाहले राष्ट्रपतिलाई सम्बोधनको प्रतिलिपि प्रस्तुत गरेका थिए।
राष्ट्रपति पौडेलले नेपालको संविधानको धारा ९५ बमोजिम मन्त्रिपरिषद्को सिफारिसमा संघीय संसदको तल्लो सदन र माथिल्लो सदनको संयुक्त बैठकलाई सम्बोधन गरेका हुन् ।
बैठकमा उपराष्ट्रपति राम सहायप्रसाद यादव, मन्त्रीहरु, दुवै सदनका सांसदहरुको उपस्थिति रहेको थियो ।
यसअघि सभामुख डोलप्रसाद अर्याल र राष्ट्रियसभाका अध्यक्ष नारायणप्रसाद दाहालले राष्ट्रपति पौडेललाई बैठक हलमा स्वागत गरेका थिए ।