वरिष्ठ सांसद अर्जुननरसिंह केसीले संवैधानिक प्रावधान अनुसार सपथ ग्रहण गराए
काठमाडौं, २६ चैत
प्रतिनिधिसभाका नवनिर्वाचित सदस्यहरुले आज सिंहदरबारस्थित संघीय संसद् सचिवालयमा आयोजित एक समारोहमा सपथ ग्रहण गरेका छन् ।
नवनिर्मित बहुउद्देश्यीय हलमा ज्येष्ठ सदस्य अर्जुननरसिंह केसीले सांसदहरुलाई पद तथा गोपनियताको सपथ ग्रहण गराए । केसीले बुधबार राष्ट्रपति रामचन्द्र पौडेलसमक्ष सपथ लिएका थिए।
नेपालको संविधानको धारा ९९ र ९१ (५) र प्रतिनिधिसभा सदस्य निर्वाचन ऐन, २०१७ को दफा ७५ लगायतका संवैधानिक व्यवस्था बमोजिम सपथ ग्रहण गरिएको हो ।
प्रतिनिधिसभाका नवनिर्वाचित सदस्यहरूले बिहीबार सिंहदरबारस्थित संघीय संसद भवनमा पद तथा गोपनीयताको शपथ ग्रहण गर्दैछन् । तस्बिर: रत्न श्रेष्ठ/RSS
गत फागुन ५ गते भएको प्रतिनिधिसभाको निर्वाचनमा राष्ट्रिय स्वतन्त्र पार्टी १८२ सिटसहित सबैभन्दा ठूलो दल बनेको थियो । नेपाली कांग्रेसले ३८ सिट, नेकपा एमालेले २५ सिट र नेपाली कम्युनिष्ट पार्टीले १७ सिट प्राप्त गरेको छ । श्रम संस्कृति पार्टीले सात सिट जितेको छ भने राष्ट्रिय प्रजातन्त्र पार्टीले पाँच सिट जितेको छ।
सपथ ग्रहणले नवनिर्वाचित सांसदहरूको संसदीय कर्तव्यको औपचारिक सुरुवात गरेको छ।