काठमाडौं, १९ चैत
निर्वाचन आयोगले बिहीबार राष्ट्रपति कार्यालय शीतल निवासमा आयोजित समारोहमा रामचन्द्र पौडेलसमक्ष प्रतिनिधिसभा निर्वाचन, २०८२ को प्रतिवेदन बुझाएको हो ।
कार्यवाहक प्रमुख निर्वाचन आयुक्त रामप्रसाद भण्डारीले फागुन ५ गते सम्पन्न प्रतिनिधिसभा निर्वाचनको प्रतिवेदन प्रस्तुत गरेका थिए । उनले निर्वाचनलाई प्रभावकारी र व्यवस्थित ढंगले सम्पन्न गरेकोमा आयोग, सरकारी अधिकारीहरू र सबै सरोकारवालाहरूलाई धन्यवाद दिए।
निर्वाचन स्वतन्त्र, निष्पक्ष र भयरहित वातावरणमा सम्पन्न भएको बताउँदै राष्ट्रपतिले यो प्रक्रियाले लोकतान्त्रिक मूल्यमान्यतालाई थप सुदृढ गर्दै निर्वाचन आयोग र निर्वाचन प्रणालीमा जनताको विश्वासलाई बलियो बनाएको उल्लेख गरे।