काठमाडौं, चैत ११
राष्ट्रिय स्वतन्त्र पार्टी (रासपा)का अध्यक्ष रवि लामिछानेविरुद्ध परेको रिटमा सर्वोच्च अदालतले पूर्ण सुनुवाइ गर्न आदेश दिएको छ।
सहकारी ठगी र सम्पत्ति शुद्धीकरणसम्बन्धी मुद्दा फिर्ता लिने महान्यायाधिवक्ताको कार्यालयको निर्णयलाई चुनौती दिँदै आएको रिटमा अदालतले यस्तो आदेश दिएको हो।
न्यायाधीश सपना प्रधान मल्ल र श्रीकान्त पौडेलको इजलासले उक्त मुद्दालाई चैत १ गते पूर्ण सुनुवाइका लागि सर्वोच्च अदालतमा पेश गर्न निर्देशन दिएको अर्जुनसादले बताए।
महान्यायाधिवक्ता सविता भण्डारीले यो मुद्दा सर्वोच्च अदालतमा विचाराधीन हुँदा माघ १ गते फिर्ता लिने निर्णय गरेकी थिइन्।
वरिष्ठ अधिवक्ता दिनेश त्रिपाठीलगायतका कानुन व्यवसायीले महान्यायाधिवक्ताको निर्णयलाई चुनौती दिँदै सर्वोच्च अदालतमा रिट दायर गरेका थिए।