जापान सरकारको निमन्त्रणामा राष्ट्रपति पौडेल गत फागुन १ गते नेपाल र जापानबीच कूटनीतिक सम्बन्ध स्थापना भएको ७०औँ वर्षगाँठको उपलक्ष्यमा आयोजित विशेष समारोहमा सहभागी हुन नेपाली प्रतिनिधिमण्डलको नेतृत्व गर्दै त्यसअघि प्रस्थान गरेका थिए। उनले टोकियोमा आयोजित समारोहलाई सम्बोधन गरेका थिए। जापानी सम्राट नारुहितोसँग शिष्टाचार भेट भयो । राष्ट्रपतिसँग जापानी प्रधानमन्त्री र परराष्ट्र राज्यमन्त्रीले पनि छुट्टाछुट्टै शिष्टाचार भेट गरेका थिए।
त्यस्तैगरी, पौडेलले टोकियोमा जापानी व्यवसायी र नेपाली डायस्पोराका सदस्यहरुको उपस्थितिमा आयोजित कार्यक्रमलाई सम्बोधन गरेका थिए । उनले जापानस्थित नेपाली दूतावासको पनि निरीक्षण गरे।
नेपाल र जापानबीच सेप्टेम्बर १, १९५६ मा कूटनीतिक सम्बन्ध स्थापना भयो। सम्बन्ध स्थापनापछि नेपालले सन् १९६५ मा टोकियोमा आफ्नो दूतावास स्थापना गर्यो भने जापानले १९६७ मा काठमाडौंमा आफ्नो दूतावास स्थापना गर्यो।