News Summary
Generated by OK AI. Editorially reviewed.
- ओएसआर डिजिटल युट्युब च्यानलको सब्सक्राइबर संख्या १ करोड नाघेको छ भने प्रबन्ध निर्देशक ओम अग्रवालले २५ वर्षको यात्राको उपज भने।
- अग्रवालले दर्शक, कलाकार, संगीतकर्मी र टिमप्रति आभार व्यक्त गर्दै गुणस्तरीय सामग्री र नयाँ योजनाका साथ अघि बढ्ने बताए।
- ओएसआर डिजिटलले नेपाली चलचित्र, संगीत र वेब सामग्री सार्वजनिक गर्दै अन्तर्राष्ट्रिय स्तरमा विस्तार गर्ने योजना अघि बढाएको छ।
काठमाडौं । चलचित्र, टेलिभिजन र संगीत क्षेत्रमा चर्चित मानिने ओएसआर डिजिटल युट्युब च्यानलको सब्सक्राइब संख्या १ करोड नाघेको छ ।
यस उपलब्धिलाई संस्थाको २५ वर्ष लामो यात्रा, निरन्तरता र दर्शकको विश्वासको उपजका रूपमा लिइएको प्रबन्ध निर्देशक ओम अग्रवालले बताए ।
यस अवसरमा दर्शक, कलाकार, संगीतकर्मी र सम्पूर्ण टिमप्रति आभार व्यक्त गर्दै उनले आगामी दिनमा अझ गुणस्तरीय सामग्री र नयाँ योजनाका साथ अघि बढ्ने बताए ।
अग्रवालका अनुसार भीसीडी र डीभीडीबाट सुरु भएको मनोरञ्जन यात्रा युट्युबमा आएको यो चरणसम्म पुग्न धेरै चुनौतीका बाबजुद प्रेरणादायी बन्न सफल रह्यो ।
‘तपाईंहरूले हेरेको हरेक भ्यूज , लाइक र कमेन्ट नै हाम्रो ऊर्जा हो’ अग्रवालले भने, ‘दर्शकको साथले यस सपनालाई आज यति ठूलो परिवार बनाइदिएको छ ।’
ओएसआर डिजिटलले नेपाली चलचित्र, संगीत, वेब-सामग्री र मनोरञ्जनात्मक भिडियो सार्वजनिक गर्दै आएको छ । यो च्यानलले फिल्म र संगीत उत्पादन र निर्माणमा पनि लगानी गर्दै आएको छ ।
च्यानलले अब अन्तर्राष्ट्रिय स्तरमा सामग्री विस्तार गर्ने योजना समेत अघि बढाएको प्रेषित विवरणमा उल्लेख छ । ओएसआर डिजिटलको अर्को च्यानल ओएसआर रियालिटी र ओएसआर मूभिज पनि सक्रिय छन् । यी दुवै च्यानलमा २ मिलियन बढी सब्स्क्राइबर छन् ।
१ करोड सब्सक्राइबर पाउने ओएसआर नेपालको पहिलो च्यानल भने होइन, यसअघि केही नेपाली कन्टेन्ट क्रिएटर र कम्पनीले बनाएका च्यानलले यो उपलब्धि हासिल गरिसकेका छन् ।
js = d.createElement(s);
js.id = id;
js.src = "https://connect.facebook.net/en_US/sdk.js";
fjs.parentNode.insertBefore(js, fjs);
(document, 'script', 'facebook-jssdk'));
Read More