काठमाडौं, २० पुस
नेपाल कम्युनिष्ट पार्टीका संयोजक एवं पूर्वप्रधानमन्त्री पुष्पकमल दाहाल ‘प्रचण्ड’ले रुकुम (पूर्व) क्षेत्र नं १ बाट उम्मेदवारी दर्ता गराएका छन् ।
प्रतिनिधिसभाको निर्वाचन चैत ५ गते हुने भएको छ।
निर्वाचन अधिकारीको कार्यालयमा पुगेर दाहालले उम्मेदवारी पेस गरेका छन् । उम्मेदवारी दर्तापछि सञ्चारकर्मीसँग संक्षिप्त कुरा गर्दै उनले रुकुमको सर्वाङ्गीण विकासलाई आफूले उच्च प्राथमिकता दिने बताए ।
“जनयुद्धको बेला रुकुम मुख्य आधार थियो। आगामी निर्वाचनमा यही क्षेत्रबाट उम्मेदवार हुने निर्णय गरेको छु र रुकुमको विकासलाई प्राथमिकता दिनेछु,” उनले भने।