काठमाडौं, २८ नोभेम्बर
कमजोर ब्याटिङका कारण चितवन राइनोजले काठमाडौं गोर्खाससँग ५३ रनको कठिन हार बेहोरेको थियो। काठमाडौंले दिएको १४३ रनको मध्यम लक्ष्य पछ्याउन चितवन असफल भयो
पहिलो इनिङ्समा चितवनका सोहेल तनवीरले ४ विकेट लिए भने काठमाडौंका जोन सिम्पसनले ६० रन जोडेर काठमाडौंको इनिङ्सलाई समेटेका थिए।
दोस्रो इनिङ्समा काठमाडौंका बलरहरूले कडा बलिङ गरे र चितवनका कुनै पनि ब्याट्सम्यानले उल्लेखनीय स्कोर बनाउन सकेनन्। यसअघि लगातार तीन अर्धशतक प्रहार गरेका रवि बोपाराले आज २१ रन मात्र जोड्न सके । देव खनालले पनि २१ रन जोडे भने सोहेल तन्वीरले १८ रन जोडे । बाँकी खेलाडीहरू दोहोरो अंकमा पुग्न सकेनन्।
काठमाडौंका रसिद खानले ३ विकेट लिए भने कप्तान करण केसी, मिलिन्द कुमार र शाहबाज आलमले २/२ विकेट लिए । चितवन १७.२ ओभरमा ८९ रनमा अलआउट भयो