काठमाडौं, फागुन १
गृहमन्त्री ओमप्रकाश अर्यालले चैत ५ गते हुने प्रतिनिधिसभाको निर्वाचन स्वतन्त्र, निष्पक्ष र सुरक्षित गर्न जनप्रतिनिधिलगायत सबै सरोकारवालाबीच घनिष्ट समन्वय र सहकार्य गर्न आह्वान गरेका छन् ।
आइतबार भक्तपुरको सानोठिमीमा प्रमुख निर्वाचन अधिकृत र निर्वाचन अधिकृतको कार्यालयको निरीक्षण गर्दै मन्त्री अर्यालले सबै तहमा समन्वय गर्न प्रमुख जिल्ला अधिकारी र जिल्ला सुरक्षा समितिका सदस्यहरुलाई निर्देशन दिएका हुन् ।
मुख्य निर्वाचन अधिकृतको कार्यालय भक्तपुर दरबार चोकमा स्थापना गरिएको छ भने भक्तपुर क्षेत्र नं २ का निर्वाचन अधिकृतको कार्यालय मध्यपुरथिमिस्थित कृषि विकास बैंकको तालिम केन्द्रबाट सञ्चालन भइरहेको छ । वडा तहसम्म समन्वय र सहकार्यलाई सुदृढ गर्दै शान्तिपूर्ण वातावरण बनाउनु।
प्रमुख निर्वाचन अधिकृतसँगको छलफलमा मन्त्री अर्यालले निर्वाचनलाई सफलतापूर्वक सम्पन्न गर्न सरकारको दृढ प्रतिबद्धता दोहोर्याउनुभयो र आवश्यक समन्वय र सहजीकरण गर्न मन्त्रालय तत्पर रहेको बताउनुभयो ।