यस वर्षको तिहारमा प्रदर्शनमा आएका तीन नेपाली फिल्महरू ‘वरिष्ठ बलराम’, ‘मैझारो’ र ‘सोल्टिनी’ ले बक्स अफिसमा अपेक्षाअनुसारको कमाइ गर्न सकेनन्।
तिहारको अवसर पारेर कात्तिक ६ गते ‘वरिष्ठ बलराम’ र ‘सोल्टिनी’ एकसाथ प्रदर्शनमा आएका थिए भने त्यसको भोलिपल्ट अर्थात् कात्तिक ७ गते ‘मैझारो’ रिलिज भएको थियो।
दयाहाङ राई र विजय बराल अभिनीत ‘वरिष्ठ बलराम’ ले कात्तिक २२ गतेसम्म २ करोड ५६ लाख ५७ हजार रूपैयाँ ग्रस कमाइ गरेको छ। चलचित्र विकास बोर्डका अनुसार यो गत शनिबारसम्मको आँकडा हो।
यसैगरी, विल्सन विक्रम राई निर्देशित तथा धीरज मगर, मिरूना मगर र दिया पुन अभिनीत ‘मैझारो’ ले १ करोड ४ लाख २९ हजार रूपैयाँ ग्रस कमाइ गरेको छ।
तर, प्रकाश सपुत र परीक्षा लिम्बू अभिनित फिल्म ‘सोल्टिनी’ को कमाइ भने निकै निराशाजनक देखिएको छ। यो फिल्मले मात्र २९ लाख ५ हजार रूपैयाँ ग्रस कमाइ गर्न सफल भएको छ।