१४ कात्तिक, काठमाडौं । प्रधानमन्त्री सुशीला कार्कीले सुरुका दिन र अहिले जेनजीहरूको बुझाईमा आकाशजमिन फरक पाएको बताएकी छन् । उनले सुरुमा अनेथरी माग लिएर आउने जेनजीहरू अहिले यही संविधान, व्यवस्थाको कुरा गर्दै चुनावमा जानुपर्छ भन्ने विन्दुमा आइपुगेको उल्लेख गरिन् ।
प्रधानमन्त्री सुशीला कार्कीले शुक्रबार बालुवाटारमा सम्पादकहरूसँगको अन्तर्क्रियामा जेनजीहरूको बुझाइ बदलिएको भन्दै प्रसन्नता पनि व्यक्त गरिन् ।
‘डे वानका जेनजी र आजका जेनजीबीच आकाश जमिनको फरक छ’ उनले भनिन्,’अहिलेले हामीले भन्दा राम्ररी कानुनका कुरा गर्ने भएका छन् । बुझाई कति राम्रो भएको छ । अस्ती २०/२१ वटा ग्रुपसँग कुरा भयो । उहाँहरूका कुरा देख्दा त रामचन्द्र पौडेल, शेरबहादुर देउवा युवा हुँदाका जस्ताको पनि देखेँ ।’
उनका अनुसार सुरुमा प्रत्यक्ष निर्वाचित कार्यकारी, अन्तरिम संविधान लगायतका अनेक कुरा आएका थिए । अहिले जेनजीहरूले त्यस्तो कुरा छैन ।
‘अहिले जेनजी खारिँदै गएका छन्’ उनले भनिन् । उनले बालुवाटारमा भएको सरकार, राजनीतिक दल र जेनजीबीचको वार्तामा धेरै राम्रो संवाद भएको उल्लेख गरिन् ।
(function (d, s, id) var js, fjs = d.getElementsByTagName(s)[0]; if (d.getElementById(id)) return;
js = d.createElement(s);
js.id = id;
js.src = "https://connect.facebook.net/en_US/sdk.js";
fjs.parentNode.insertBefore(js, fjs);
(document, 'script', 'facebook-jssdk'));
Read More