२३ पुस, काठमाडौं । नेपाली कांग्रेसले मातहतको संरचनाबाट सिफारिस नभएका तीन जनालाई राष्ट्रिय सभाको उम्मेदवार बनाएको छ ।
कांग्रेस-एमाले वीचमा तालमेल गर्ने निर्णय अनुसार कांग्रेसको भागमा ९ जना छुट्याइएको थियो । कांग्रेसले बुधबार टुंगाएका ९ उम्मेदवारमा तीन जना भने तल्लो तहबाट सिफारिस नभई केन्द्रबाट तोकिएको थियो । गीता देवकोटा, धमेन्द्र पासवान र जगत तिमिल्सिनाको नाम तल्लो तहबाट सिफारिस नआएको कांग्रेस नेताहरूले जानकारी गराएका छन् ।
देवकोटा नेता डा.शेखर कोइराला पक्षबाट उम्मेदवार बनेकी छन् । पासवान संस्थापन पक्षका हुन् । उनलाई सहमहामन्त्री महेन्द्र यादवको जोडबलमा उम्मेदवार बनाइएको कांग्रेस स्रोतले जानकारी दियो । कांग्रेसनिकट प्राध्यापक संघमा आवद्ध तिमिल्सना संस्थापन पक्षका हुन् ।
चयन भएको उम्मेदवारमा जनजातिबाट एक जना पनि नपरेकोप्रति महामन्त्री गगन थापाले असहमति राखेका छन् । उम्मेदवारको टुंगो लागेसँगै पत्रकारसँग कुरा गर्दै महामन्त्री नेताहरूले भागवण्डा गरेको भन्दै आपत्ति जनाएका थिए ।
(function (d, s, id) var js, fjs = d.getElementsByTagName(s)[0]; if (d.getElementById(id)) return;
js = d.createElement(s);
js.id = id;
js.src = "https://connect.facebook.net/en_US/sdk.js";
fjs.parentNode.insertBefore(js, fjs);
(document, 'script', 'facebook-jssdk'));
Read More