काठमाडौं, २७ अक्टोबर
संयुक्त अरब इमिरेट्स (युएई)को दुबई अन्तर्राष्ट्रिय क्रिकेट रंगशालामा आइतबार भएको आईसीसी क्रिकेट विश्वकप लिग–२ अन्तर्गत त्रिकोणात्मक एकदिवसीय अन्तर्राष्ट्रिय (ओडीआई) शृंखलाको खेलमा नेपालले अमेरिकासँग १०६ रनको हार बेहोरेको छ ।
टस जितेर अमेरिकाले पहिले ब्याटिङ रोजेको थियो। यसले निर्धारित ५० ओभरमा ६ विकेट गुमाएर २६२ रन बनाएको थियो । अमेरिकाका लागि स्मित पटेलले १०० बलमा ९ चौकासहित ७५ रन बनाए भने मिलिन्द कुमारले ५० बलमा ६ चौका र २ छक्का प्रहार गर्दै नटआउट ७० रन बनाए । साइतेजा मुक्कामल्लाले ४२ र शुभम रञ्जानेले १९ रन जोडे । नेपालका लागि सन्दीप लामिछानेले २ विकेट लिए भने सोमपाल कामी, आरिफ शेख र दीपेन्द्र सिंह ऐरीले १/१ विकेट लिए । जवाफमा नेपाल 39.1 ओभरमा 156 रनमा अलआउट भई 106 रनले आउट भयो।
दिपेन्द्र सिंह ऐरीले सर्वाधिक ४० रन बनाएका थिए भने आसिफ शेखले ३७, भीम सार्कीले २९, आरिफ शेखले २० र सोमपाल कामीले ११ विकेट लिए। अमेरिकाका लागि हरमित सिंहले ६ विकेट लिए भने शुभम रञ्जानेले २ र रुशिल उमाङले एक विकेट लिए । यो जितसँगै अमेरिका २१ खेलबाट ३० अंक जोडेर अंक तालिकाको शीर्ष स्थानमा उक्लिएको छ भने नेपाल १७ खेलबाट १२ अंक जोडेर सातौं स्थानमा रहेको छ।
—RSS