३० पुस, काठमाडौँ । नेपाली कांग्रेसको विशेष महाधिवेशनको निर्वाचन प्रक्रिया सुरु भएको छ ।
मंगलबार बन्दसत्र सकिएपछि सुरु भएको निर्वाचन प्रक्रिया आज बिहानसम्मका लागि स्थगित भएको थियो । बिहानदेखि फेरि निर्वाचन प्रक्रिया अघि बढाइएको हो ।
विशेष महाधिवेशन र संस्थापन पक्षबीच रातभर भएका वार्ता असफल भएपछि निर्वाचन प्रक्रिया अघि बढाइएको विशेष महाधिवेशन पक्षधर नेताहरुले बताएका छन् । यद्यपि, वार्ता अहिले पनि जारी छ ।
निर्वाचन समितिले निर्वाचन कार्यतालिका परिवर्तन गर्दै प्रक्रिया अघि बढाएको हो । सुरुमा प्रकाशित तालिका अनुसार मनोनयन दर्ताको समय मंगलबार नै सकिएको थियो । त्यसलाई परिमार्जन गरी बिहानदेखि पुन: मनोनयन दर्ताको काम सुरु गरिएको छ ।
रातभरका विभिन्न चरणमा भएका वार्तामा सभापति शेरबहादुर देउवा नेतृत्व छोड्न तयार नभएपछि निर्वाचनमार्फत नै पार्टीको नीति र नेतृत्व परिवर्तन गर्न लागिएको विशेष महाधिवेशन व्यवस्थापन सचिवालयले जनाएको छ ।
आज बिहान पनि दुई पक्षबीच वार्ता जारी नै छ । वार्तामा सहभागी भएका एक नेताले सहमतिको सम्भावना क्षीण भएको बताएका छन् ।
यसैबीच विशेष महाधिवेशनका नेताहरूले पदाधिकारीको खाकासमेत तयार गरिरहेको जनाइएको छ । वार्ता पनि जारी रहेकोले मनोनयन दर्ताको समय थपिने निर्वाचन समितिले जनाएको छ ।
js = d.createElement(s);
js.id = id;
js.src = "https://connect.facebook.net/en_US/sdk.js";
fjs.parentNode.insertBefore(js, fjs);
(document, 'script', 'facebook-jssdk'));
Read More