१९ कात्तिक, काठमाडौं । नेकपा माओवादी केन्द्रका उपमहासचिव वर्षमान पुनले लोकतन्त्रको बाहनामा कुनै पनि तानशाह र निरंकुशता सैह्य हुन नसक्ने बताएका छन् ।
विभिन्न कम्युनिष्ट घटकहरूबीच हुन लागेको एकता घोषणा सभामा बोल्ने क्रममा उनले यस्तो बताएका हुन् ।
काठमाडौंको भृकुटिमण्डपमा केहीबेरमा एकता घोषणा सभा हुँदैछ ।
सो क्रममा पुनले भने, ‘हामी लोकतन्त्रको बाहनामा कुनै पनि तानशाह, व्यक्तिवादी वा निरंकुशता हामी चाहँदैनौं । त्यो विकल्प हुनै सक्दैन यो हाम्रा लागि सैह्य हुँदैन ।’
लोकतन्त्रको विकल्प झनै राम्रो लोकतन्त्र र सुशासनको विकल्प झनै राम्रो सुशासन रहेको उनले बताए ।
उनले कम्युनिष्ट आन्दोलन नयाँ मोडमा पुगेकाले आफूहरू नयाँ ठाउँमा उभिएको जिकिर गरे ।