राष्ट्रिय
समाचार.
- के-पप ब्याण्ड ब्ल्याक पिंककी सदस्य रोजले सन् २०२६ को ग्रामीमा मुख्य विधामा मनोनित हुने पहिलो के-पप आइडल बनिन्।
- रोजले ब्रुनो मार्ससहित गीत एपीटीका लागि रेकर्ड अफ द इयर, सङ अफ द इयर र बेस्ट पप डूओ/ग्रुप पर्फमेन्स विधामा मनोनित भएकी छन्।
- सन् २०२१ देखि के-पप ब्यान्ड बीटीएसले ग्रामी मनोनयन पाएको भए पनि अहिलेसम्म कुनै के-पप कलाकारले ग्रामी पुरस्कार जित्न सकेका छैनन्।
लस एन्जलस । के-पप ब्याण्ड ‘ब्ल्याक पिंक’ की सदस्य रोजले विश्व संगीतको सर्वोच्च अवार्ड ग्रामीको मनोनयनमा इतिहास रचेकी छन् ।
२८ वर्षीया यी गायिका ग्रामीको मुख्य विधामा मनोनित हुने पहिलो के-पप आइडल बनिन् ।
सन् २०२६ को ग्रामी मनोनयनमा बहुचर्चित गीत ‘एपीटी’का लागि ब्रुनो मार्ससहित रोज चर्चित विधा रेकर्ड अफ द इयर, सङ अफ द इयर र बेस्ट पप डूओ/ग्रुप पर्फमेन्ससहितका विधामा छनोट भएकी हुन् ।
“म अहिले उन्मुक्त महसुस गरिरहेकी छु’ यस वर्षको सुरुमा हलिउड रिपोर्टरको कभर अन्तर्वार्तामा ग्रामीमा इतिहास रच्ने सम्भावनाको बारेमा सोध्दा रोजले भनिन् ।
‘मलाई लाग्छ यो त्यस्तो क्षण हुनेछ जसले मलाई धेरै कुराहरू प्रमाणित गर्नेछ, जसलाई म शंका गर्दै हुर्किएकी थिएँ’ उनले भनेकी छन् ।
तर, के-पपबाट पहिलो ग्रामी मनोनयन भने ब्वाय ब्याण्ड ‘बीटीएस’ ले सन् २०२१ को ६३ औं ग्रामीमा प्राप्त गरेको थियो । ब्याण्डको गीत ‘डायनामाइट’ ले उत्कृष्ट पप डूओ/ग्रुप पर्फमेन्स विधामा मनोनित भएको थियो ।
सन् २०२२ मा ‘बटर’, सन् २०२३ मा कोल्ड प्लेसँगको ‘माई युनिभर्स’ र ‘येट टू कम’ गीत मनोनित थिए । तर, अहिलेसम्म कुनै पनि के-पप कलाकारले ग्रामी भने जितेका छैनन् ।
रोज मात्र होइन, ‘के पप डेमन हन्टर्स’ पनि ग्रामीमा मनोनित भएको छ । यो मनोनयन दक्षिण कोरियाली संगीतको महत्वपूर्ण कोशेढुंगा हो ।
js = d.createElement(s);
js.id = id;
js.src = "https://connect.facebook.net/en_US/sdk.js";
fjs.parentNode.insertBefore(js, fjs);
(document, 'script', 'facebook-jssdk'));
Read More