राष्ट्रिय
समाचार.
- नेपाल राष्ट्र बैंक र भारतीय रिजर्भ बैंकको साझा समन्वय संयन्त्र (जेटीसीसी) को नवौं बैठक आइतबार काठमाडौंमा सम्पन्न भएको छ।
- बैठकमा अन्तरदेशीय विद्युतीय भुक्तानी कारोबार सहजीकरण, मौद्रिक नीति र विदेशी विनिमय व्यवस्थापन विषयमा छलफल भएको छ।
- गभर्नर प्रा. डा. विश्वनाथ पौडेलले जेटीसीसीले दुई केन्द्रीय बैंकबीच प्राविधिक सहयोग र संस्थागत सम्बन्ध सघन बनाउने विश्वास व्यक्त गर्नुभयो।
१७ कात्तिक,काठमाडौं । नेपाल राष्ट्र बैंक र भारतीय रिजर्भ बैंक (आरबीआई) को साझा समन्वय संयन्त्र (जेटीसीसी) को नवौं बैठकमा अन्तरदेशीय विद्युतीय भुक्तानीका सन्दर्भमा छलफल भएको छ ।
आइतबार दुवै केन्द्रीय बैंकका प्रतिनिधि सहभागी बैठकमा उक्त विषयमा छलफल भएको हो ।
विगतदेखि नै नेपालीले पनि भारतमा क्यूआरमार्फत भुक्तानी गर्ने व्यवस्था सुरु गर्ने भनिए पनि कार्यान्वयनमा आउन सकेको छैन । पूर्वाधार पूर्णरूपमा तयार भइसके पनि औपचारिक सुरुवात हुन नसक्दा रोकिएको छ ।
जेटीसीसी बैठक उद्घाटन गर्दै गभर्नर प्रा. डा. विश्वनाथ पौडेलले मौद्रिक तथा वित्तीय क्षेत्रका अन्तरदेशीय सरोकारका विषयमा परिणाममुखी संवाद र प्राविधिक रूपमा समाधानका लागि उक्त संयन्त्र प्रभावकारी रहेको बताए ।
मौद्रिक नीति, विदेशी विनिमय व्यवस्थापन, नियमन, सुपरिवेक्षण र भुक्तानी प्रणालीका उत्कृष्ट अभ्यास आदान–प्रदान, प्राविधिक क्षमता अभिवृद्धि र नीति तर्जुमाको प्रभावकारिताका सन्दर्भमा जेटीसीसी महत्त्वपूर्ण मञ्चका रूपमा स्थापित भएको उनले स्पष्ट पारे ।
आगामी दिनमा उक्त मञ्चमार्फत दुई केन्द्रीय बैंकबीचको संस्थागत सम्बन्ध र प्राविधिक सहयोग आदान–प्रदान थप सघन बन्दै जाने विश्वास समेत गभर्नर पौडेलले व्यक्त गरे ।
आरबीआई कार्यकारी निर्देशक एवं जेटीसीसी संयोजक अर्णवकुमार चौधरीले उक्त संयन्त्र स्थापना भएयता मुद्रा व्यवस्थापन, वैदेशिक व्यापार र भुक्तानी कारोबार सहजीकरण, वित्तीय समावेशीकरण प्रवर्द्धनका सन्दर्भमा फलदायी अभ्यास कार्यान्वयनमा आएको बताए ।
जेटीसीसी मार्पmत दुई केन्द्रीय बैंकको पारस्परिक सहकार्य र समन्वय आगामी दिनमा थप सबल हुने विश्वास उनले व्यक्त गरे । बैठकमा गभर्नरको कार्यालयका कार्यकारी निर्देशक एवं राष्ट्र बैंकका तर्पmबाट जेटीसीसी संयोजक राजनविक्रम थापाले दुईपक्षीय हित प्रवर्द्धनका निम्ति उक्त संयन्त्रलाई आगामी दिनमा सार्थक र परिणाममुखी बनाउनुपर्ने आवश्यकता औँल्याए ।
बैठकको दोस्रो सत्रमा दुवै केन्द्रीय बैंकका जेटीसीसी सम्बद्ध अधिकारीबीच द्विपक्षीय सरोकारका विभिन्न एजेन्डामा छलफल भएको केन्द्रीय बैंकले जनाएको छ ।
छलफलमा नेपाल र भारतबीच अन्तरदेशीय विद्युतीय भुक्तानी कारोबार सहजीकरण विषयले समेत स्थान पाएको केन्द्रीय बैंकले जनाएको छ । मौद्रिक नीति, तरलता व्यवस्थापन, विदेशी विनिमय व्यवस्थापन लगायतका विषयमा आरबीआईले गरेका असल नीतिगत अभ्यास अवलम्बन गर्न सकिने सम्भावनाबारे छलफल भएको पनि केन्द्रीय बैंकले जनाएको छ ।
बैंकिङ तथा वित्तीय प्रणालीका द्विपक्षीय सरोकारका विषयमा सहकार्य र समन्वय गर्ने तथा विभिन्न विषयमा रहेका समस्या सुल्झाउन समन्वयात्मक संयन्त्र तयार गर्ने क्रममा १३ मे २०१६ मा जेटीसीसी गठन भएको थियो ।
js = d.createElement(s);
js.id = id;
js.src = "https://connect.facebook.net/en_US/sdk.js";
fjs.parentNode.insertBefore(js, fjs);
(document, 'script', 'facebook-jssdk'));
Read More