राष्ट्रिय
समाचार.
- सशस्त्र प्रहरी बलको एपीएफ क्लबले २१ औं महिला राष्ट्रिय कबड्डी प्रतियोगिताको उपाधि जितेको छ।
- त्रिभुवन आर्मी क्लबले २५औं पुरुष राष्ट्रिय कबड्डी प्रतियोगिताको उपाधि हात पारेको छ।
- महिलातर्फ एपीएफकी रविना चौधरी र पुरुषतर्फ आर्मीका गणेश पार्की उत्कृष्ट खेलाडी घोषित भएका छन्।
१६ माघ, काठमाडौं । विभागीय दुई टोली सशस्त्र प्रहरी बलको एपीएफ क्लब र त्रिभुवन आर्मी क्लबले शुक्रबार २१ औं महिला तथा २५औं पुरुष राष्ट्रिय कबड्डी प्रतियोगिताको उपाधि हात पारेका छन् । महिलातर्फ एपीएफ र पुरुषतर्फ आर्मी पहिलो भएका हुन् ।
त्रिपुरेश्वरस्थित राष्ट्रिय खेलकुद परिषद् (राखेप) कभर्डहलमा सम्पन्न महिलातर्फको फाइनलमा एपीएफले आर्मीलाई २४–२० को अंकमा हरायो ।
पुरुषको फाइनलमा आर्मीले एपीएफलाई पेनाल्टीमा ६–५ अंकले पराजित गर्दै उपाधि जितेको हो । निर्धारित समयको खेल ३८–३८ अंकमा सकिएको थियो ।
महिलातर्फ एपीएफकी रविना चौधरी उत्कृष्ट खेलाडी घोषित भइन् । पुरुषतर्फ भने आर्मीका गणेश पार्की उत्कृष्ट खेलाडी घोषित भए ।
विजेतालाई गृहमन्त्री ओमप्रकाश अर्याल र राखेपका सदस्यसचिव राम चरित्र मेहता, आयोजक अखिल नेपाल कबड्डी संघकी अध्यक्ष तुलसी थापालगायतले पुरस्कार प्रदान गरे ।
(function (d, s, id) var js, fjs = d.getElementsByTagName(s)[0]; if (d.getElementById(id)) return;
js = d.createElement(s);
js.id = id;
js.src = "https://connect.facebook.net/en_US/sdk.js";
fjs.parentNode.insertBefore(js, fjs);
(document, 'script', 'facebook-jssdk'));
Read More