काठमाडौं, वैशाख ५
सरकारको नयाँ सुझावपछि राष्ट्रपति रामचन्द्र पौडेलले संवैधानिक परिषद्सम्बन्धी अध्यादेश जारी गरेका छन् ।
अध्यादेश यसअघि राष्ट्रपतिले पुनर्विचारका लागि फिर्ता गरिसकेका छन् भने सरकारले सिफारिस गरेका अन्य सात अध्यादेश जारी भएका छन्।
सोमबार बसेको मन्त्रिपरिषद्को बैठकले सोही अध्यादेशलाई पुनः स्वीकृतिका लागि पठाउने निर्णय गरेको छ । उक्त सिफारिसलाई कार्यान्वयन गर्दै राष्ट्रपतिले मंगलबार अध्यादेश जारी गरे
सरकारका प्रवक्ता तथा शिक्षा, विज्ञान तथा प्रविधिमन्त्री सस्मित पोखरेलले सोमबार अध्यादेशलाई पहिले फिर्ता पठाएपछि पुनः सिफारिस गर्ने निर्णयलाई मन्त्रिपरिषद्ले अनुमोदन गरेको बताए ।