राष्ट्रिय
समाचार.
- अखिल नेपाल फुटबल संघले राष्ट्रिय खेलकुद परिषद्को स्वीकृति बिना नै माघ २८ गते हुने निर्वाचन प्रक्रिया अघि बढाएको छ।
- राष्ट्रिय खेलकुद परिषद्को सदस्य सचिव रामचरित्र मेहताले एन्फाको निर्वाचनलाई स्वीकृति नदिएको उल्लेख गर्नुभयो।
- एन्फाका प्रवक्ता सुरेश शाहले राखेपले निर्वाचन नगर्ने भनेको नभएको र प्रक्रिया अघि बढाएको बताउनुभयो।
२१ पुस, काठमाडौं । अखिल नेपाल फुटबल संघ (एन्फा)ले राष्ट्रिय खेलकुद परिषद् (राखेप) को स्वीकृति बिना नै अग्रिम निर्वाचन प्रक्रिया अघि बढाएको छ ।
एन्फाले सोमबार एक सूचना जारी गरेर माघ २८ गते हुने अर्डिनरी कंग्रेस (साधारण सभा) तथा एन्फा कार्यसमिति निर्वाचन (२०८२-२०८६) को ४ वर्षे कार्यकालको लागि सम्बन्धित सबै सदस्य संस्था तथा सरोकारवालालाई जानकारी गराएको छ ।
यद्यपी यस निर्वाचनका लागि राखेपबाट स्वीकृति भने प्राप्त भएको छैन । ‘एन्फाको निर्वाचनलाई स्वीकृति दिएका छैनौं’ राखेपका सदस्य सचिव रामचरित्र मेहताले भनेका छन् ।
एन्फाका प्रवक्ता सुरेश शाहले भने राखेपले निर्वाचन नगर्ने भनेर पनि नभनेको तर्क गरे । ‘स्वीकृतिबारे सचिवालयमा बुझ्नुपर्छ, तर राखेपले नगर्ने भनेर पनि भनेको छैन । प्रक्रिया अगाडि बढाएका छौं’ प्रवक्ता शाहले भने ।
एन्फाले हालको कार्यकाल नसकिँदै अग्रिम निर्वाचन गर्ने निर्णय गरेपछि त्यसको विरोध भइरहेको छ । महासचिव किरण राईले विधानसम्मत् ढंगले नै निर्वाचनको निर्णय भएको दाबी गर्दै आएका छन् ।
js = d.createElement(s);
js.id = id;
js.src = "https://connect.facebook.net/en_US/sdk.js";
fjs.parentNode.insertBefore(js, fjs);
(document, 'script', 'facebook-jssdk'));
Read More