News Summary
Generated by OK AI. Editorially reviewed.
- जिल्ला कारागार मोरङमा पछिल्लो एक सातामा दुई कैदीबन्दीको मृत्यु भएको छ।
- २० वर्षीय मुस्कान दनुवार जबर्जस्ती करणी मुद्दामा दोषी ठहर भइ १२ वर्षको कैद सजाय भोगिरहेका थिए।
- ३२ वर्षीय गोपाल सापकोटा लागुऔषध मुद्दाका बन्दी थिए र उपचारका क्रममा नोबेल शिक्षण अस्पतालमा मृत्यु भएका हुन्।
१३ कात्तिक, विराटनगर । जिल्ला कारागार मोरङमा पछिल्लो एक सातामा दुई कैदीबन्दीको मुत्यु भएको छ ।
जिल्ला कारागार मोरङका अनुसार बिहीबार बिहान एक जना कैदीको मृत्यु भएको हो । गत शुक्रबार राति एक जना बन्दीको मृत्यु भएको थियो । दुवै कैदीबन्दीको स्वास्थ्य समस्या भने एउटै छ । कारागार प्रशासनका अनुसार दुवैको शरीर सुन्निने र सास फेर्न गाह्रो हुने समस्या थियो।
मोरङको उर्लाबारी नगरपालिका– १ घर भएका २० वर्षीय मुस्कान दनुवारको बिहीबार मृत्यु भएको हो । उनी जबर्जस्ती करणी मुद्दामा दोषी ठहर भइ १२ वर्षको कैद सजाय भोगिरहेका थिए । उनलाई बुधबार कोशी अस्पतालमा भर्ना गरिएको थियो।
उपचारका क्रममा बिहीबार बिहान मृत्यु भएको जिल्ला प्रहरी कार्यालय मोरङकी प्रवक्ता डिएसपी कोपिला चुँडालले जानकारी दिइन् ।
गत शुक्रबार राति नोबेल शिक्षण अस्पतालमा मोरङको सुन्दरहरैँचा नगरपालिका–७ घर भएका ३२ वर्षीय गोपाल भनिने जितप्रसाद सापकोटाको मृत्यु भएको थियो । सापकोटा लागुऔषध मुद्दाका बन्दी थिए ।
शरीर सुन्निने, सास फेर्न गाह्रो हुने समस्या देखिएपछि उनलाई उपचारका लागि असोज २७ गते कोशी अस्पतालमा भर्ना गरिएको थियो ।
थप उपचारका लागि कात्तिक ६ गते नोबेल शिक्षण अस्पतालमा भर्ना गरिएको थियो । उपचारका क्रममा कात्तिक ८ गते राति मृत्यु भएको थियो ।
मोरङ कारागारमा जिल्ला कारागार मोरङमा हाल १ हजार १ सय बढी कैदीबन्दी छन् ।
js = d.createElement(s);
js.id = id;
js.src = "https://connect.facebook.net/en_US/sdk.js";
fjs.parentNode.insertBefore(js, fjs);
(document, 'script', 'facebook-jssdk'));
Read More