काठमाडौं, नोभेम्बर १८
रवि बोपाराको अर्धशतक र सैफ अली जैबको विस्फोटक ब्याटिङको मद्दतले चितवन राइनोजले कर्णाली याक्सलाई चार विकेटले पराजित गर्दै नेपाल प्रिमियर लिगको दोस्रो संस्करणको विजयी सुरुवात गरेको छ।
चितवनले कर्णालीले दिएको १६७ रनको लक्ष्य पछ्याउँदै १९.१ ओभरमा ६ विकेट गुमाएर १७१ रन बनायो।
चितवनका लागि बोपाराले ३५ बलमा ३ चौका र ३ छक्का प्रहार गर्दै टिमकै उच्च ५१ रन बनाए। ओपनर दीपक बोहराले ४२ रन जोडे । सैफ अली जैबले १६ बलमा २ चौका र ४ छक्का प्रहार गर्दै ३८ रन बनाए।
बलिङमा कर्णालीका कप्तान सोमपाल कामीले २ विकेट लिए भने मार्क वाट, युनिश सिंह र युवराज खत्रीले एक एक विकेट लिए।
एनपीएलमा कर्णालीमाथि चितवनको यो पहिलो जित हो। पहिलो संस्करणमा कर्णालीले दुवै खेलमा चितवनलाई लिग चरणमा ५ विकेटले र एलिमिनेटरमा २१ रनले पराजित गरेको थियो।
यसअघि टस हारेर पहिले ब्याटिङ गरेको कर्णाली याक्सले तीन विकेट गुमाएर १६६ रन बनाएको थियो। भारतीय ओपनर पांचालले ४८ बलको सामना गर्दै ७ चौका र ६ छक्का प्रहार गरे । उनले पहिलो विकेटका लागि म्याक्स ओडाउडसँग ६१ रनको साझेदारी र दोस्रो विकेटका लागि मार्क वाटसँग ६३ रनको साझेदारी गरे।
म्याक्स ओ’डाउडले २० रन र मार्क वाटले १६ रन जोडे। पवन सर्राफले १६ बलमा १ चौका र ३ छक्का प्रहार गर्दै २७ रन बनाए।
चितवनका लागि सोहिल रणभीर, सैफ जैब र रवि बोपाराले एक एक विकेट लिए।
(कार्य (d, s, id) var js, fjs = d.getElementsByTagName(s)[0]; यदि (d.getElementById(id)) फिर्ता;
js = d.createElement(s);
js.id = आईडी;
js.src = "https://connect.facebook.net/en_US/sdk.js";
fjs.parentNode.insertBefore(js, fjs);
(कागजात, 'स्क्रिप्ट', 'फेसबुक-jssdk'));
थप पढ्नुहोस्