राष्ट्रिय
समाचार.
- विद्युतीय सवारी पारखी धिरेन मान श्रेष्ठले बजाज चेतक ईभीमा काठमाडौंबाट लोमान्थाङ हुँदै अपर मुस्ताङको कोरला यात्रा अनुभव लिएका छन्।
- श्रेष्ठले चुनौतीपूर्ण भू–भागमा पनि चेतक ईभीले सहज यात्रा गरेको र यसको विश्वसनीयता प्रमाणित भएको बताए।
- उनले भने, ‘एउटा इलेक्ट्रिक स्कुटरमा यति कठिन परिस्थितिको यात्रा पनि सहजै गर्न सकिन्छ भनेर मैले कल्पना गरेको थिएन।’
१९ कात्तिक, काठमाडौं । विद्युतीय सवारी साधनका पारखी धिरेन मान श्रेष्ठले हालै बजाज चेतक ईभीमा अपर मुस्ताङको कोरला यात्रा अनुभव लिएका छन् ।
उनले काठमाडौंबाट लोमान्थाङ हुँदै नेपालको उच्च हिमाली क्षेत्र अपर मुस्ताङको कोरला सीमासम्म यात्रा गरे । यस यात्राले चेतक ईभीको विश्वसनीयता र क्षमता प्रमाणित भएको उनले बताए । चुनौतीपूर्ण भू–भागहरूमा समेत यात्रा सहज भएको उनले बताए ।
‘एउटा इलेक्ट्रिक स्कुटरमा यति कठिन परिस्थितिको यात्रा पनि सहजै गर्न सकिन्छ भनेर मैले कल्पना गरेको थिएन’ श्रेष्ठले भने ‘काठमाडौंको व्यस्त सडकदेखि लोमान्थाङका उकाली–ओराली मार्ग र कोरला सीमासम्म यो स्कुटरले उत्कृष्ट प्रदर्शन गर्यो ।’
यसको स्मुथ पावर डेलिभरी, प्रभावशाली रेञ्ज र उच्च गुणस्तरको सस्पेन्सनले यात्रा अनुभव आनन्ददायी रहेको उनको भनाइ छ ।
अब ईभीले शहरभित्रका आवागमनका साथै उच्च हिमाली यात्राका लागि पनि सक्षम छन् भन्ने विषयलाई यो यात्राले पुष्टि गरेको श्रेष्ठले बताए । बजाज चेतक ईभीले नेपालमा व्यक्तिगत गतिशीलताको परिभाषा परिवर्तन गर्दै, प्रयोगकर्ताहरूलाई आराम, स्टाइल र प्रदर्शनमा कुनै सम्झौता नगरी वातावरणमैत्री विकल्प उपलब्ध गराएको छ ।