राष्ट्रिय
समाचार.
- नेपाली फुटबल टोलीका मुख्य प्रशिक्षक हरि खड्काले बंगलादेशसँगको मैत्रीपूर्ण खेलका लागि टोली तयार भएको बताएका छन्।
- खड्काले हम्जा चौधरी खेल्दा बंगलादेश सन्तुलित हुने तर नेपाल डराउने नभएको बताए।
- नेपाल र बंगलादेशबीचको खेल २७ कात्तिक साँझ पौने ८ बजे ढाकामा सुरु हुनेछ।
२६ कात्तिक, काठमाडौं । नेपाली फुटबल टोलीका मुख्य प्रशिक्षक हरि खड्काले बंगलादेशसँगको मैत्रीपूर्ण फुटबल खेलका लागि नेपाली टोली तयार भएको बताएका छन् ।
खेलअघि बुधबार आयोजित प्रि म्याच प्रेस कन्फेरेन्समा प्रशिक्षक खड्काले तयारी राम्रो भएको र राम्रो प्रदर्शन गर्ने बताएका हुन् ।
बंगलादेशी टिमले यस खेलमा भने हम्जा चौधरीलाई खेलाउँदै छ । नेपालमा भएको मैत्रीपूर्ण खेलमा भने उनी टोलीमा थिएनन् ।
हम्जा खेल्नेबारे पत्रकारहरूले सोधेको प्रश्नमा जवाफ दिँदै खड्काले भने, ‘हम्जा खेल्नाले बंगलादेशलाई अझै सन्तुलित बनाउँछ । तर हामी डराउँदैनौं, किनभने फुटबलमा व्यक्तिगत भन्दा पनि टिम गेम हेरिन्छ।’
खड्काले विपक्षीको बलियो र कमजोर पक्षको विश्लेषण गरिएको बताउँदै हम्जाको उपस्थिति हुँदा बंगलादेशसँग त्यसैअनुरुपको रणनीतिले खेल्ने उल्लेख गरे ।
यस्तै नेपाली टोलीका कप्तान किरण चेम्जोङले पनि बंगलादेशसँगको खेल प्रतिस्पर्धात्मक हुने बताउँदै जितका लागि खेल्ने बताए । उनले यस खेलबाट मलेसियासँगको एसियन कप छनोट खेललाई मद्दत पुग्ने टिप्पणी गरे।
यसअघि गत भदौमा नेपालमा भएको मैत्रीपूर्ण खेल गोलरहित बराबरीमा सकिएको थियो । दुई खेल हुने तय भएपनि जेनजी आन्दोलनका कारण दोस्रो खेल रद्द भएको थियो ।
नेपाल र बंगलादेशबीचको खेल बिहीबार साँझ पौने ८ बजेदेखि ढाकामा सुरु हुनेछ ।
नेपालले यसपछि नोभेम्बर १८ मा मलेसियासँग एएफसी एसियन कप छनोटको खेल खेल्दैछ ।
(function (d, s, id) var js, fjs = d.getElementsByTagName(s)[0]; if (d.getElementById(id)) return;
js = d.createElement(s);
js.id = id;
js.src = "https://connect.facebook.net/en_US/sdk.js";
fjs.parentNode.insertBefore(js, fjs);
(document, 'script', 'facebook-jssdk'));
Read More