राष्ट्रिय
समाचार.
- नेपाल नागरिक उड्डयन प्राधिकरणले महालेखा परीक्षकको ६०औं वार्षिक प्रतिवेदनमा उल्लेखित २ अर्ब २२ करोड ४० लाख रुपैयाँ बराबर बेरुजु फर्छ्योट गरेको छ।
- प्राधिकरणले पोखरा क्षेत्रीय अन्तर्राष्ट्रिय विमानस्थल निर्माणमा बाँकी ३ अर्ब ४ करोड ९९ लाख रुपैयाँबाट बेरुजु कट्टा गर्ने निर्णय २० असोज २०८२ मा गरेको थियो।
- महालेखाले सम्झौतामा व्यवस्था नभएको बेरुजु छुटप्रति प्रश्न उठाएपछि प्राधिकरणले धरौटी र भुक्तानी बाँकी रकमबाट बेरुजु फर्छ्योट गर्ने निर्णय गरेको हो।
१७ कात्तिक, काठमाडौं । नेपाल नागरिक उड्डयन प्राधिकरणले महालेखा परीक्षकको कार्यालयबाट ६०औं वार्षिक प्रतिवेदनमा उल्लेखित २ अर्ब २२ करोड ४० लाख रुपैयाँ बराबर बेरुजु फर्छ्योट गरेको छ ।
प्राधिकरणले पोखरा क्षेत्रीय अन्तर्राष्ट्रिय विमानस्थल निर्माण गरेको एम/एस चाइना सीएमसी इन्जिनियरिङलाई ३ अर्ब ४ करोड ९९ लाख ४५ हजार १ सय ३१ रुपैयाँ भुक्तानी गर्न बाँकी रहेकामा त्यस रकमबाट बेरुजु फर्छ्योट गर्ने निर्णय २० असोज २०८२ मा भएको प्राधिकरणले जनाएको छ ।
निर्माण व्यवसायीलाई भुक्तानी हुन बाँकी धरौटी सहित रकम करिब ३ अर्ब ४ करोड ९९ लाख रुपैयाँबाट उल्लेखित बेरुजु रकम कट्टा गर्न तथा सोही प्रकृतिका भन्सार शुल्क तथा महसुल र मूल्य अभिवृद्धि कर (भ्याट) बापत (अन्त:शुल्क बाहेक) छुट दिएको भए उक्त रकमसमेत यसै प्रक्रिया बमोजिम नै कट्टा गरी बाँकी रकम निर्माण व्यवसायीलाई भुक्तानी हुन दिने निर्णय भएको प्राधिकरणले जनाएको छ ।
तर, सम्झौतामा व्यवस्था नै नभएको अवस्थामा आयोजनाले मास्टर लिस्टमा राखेर यो वर्षसम्म शुल्क तथा महसुल र भ्याटबापत २ अर्ब २२ करोड ४० लाख छुट दिएको देखिएको थियो ।
महालेखाले बोलपत्रमा कबोल गर्दा यससम्बन्धी व्यवस्था नभएको, सम्झौतामा समेत यस्तो छुट दिने व्यवस्था नभएकोमा आयोजनाले त्यसपछि मास्टर लिस्टमा राखी भन्सार तथा महसुल छुट दिएको उल्लेख गरेको थियो ।
यो बेरुजुबारे पर्यटन मन्त्रालय र अर्थ मन्त्रालयले समेत प्रश्न उठाएका थिए । त्यसपछि प्राधिकरणले धरौटी र भुक्तानी गर्न बाँकी रकमबाट बेरुजु फर्छ्योट गर्ने निर्णय गरेको हो ।
(function (d, s, id) var js, fjs = d.getElementsByTagName(s)[0]; if (d.getElementById(id)) return;
js = d.createElement(s);
js.id = id;
js.src = "https://connect.facebook.net/en_US/sdk.js";
fjs.parentNode.insertBefore(js, fjs);
(document, 'script', 'facebook-jssdk'));
Read More