काठमाडौं, पुस १३
आइतबारदेखि भृकुटीमण्डपमा सुरु भएको नेपाली काँग्रेसको विशेष महाधिवेशनले पार्टीको विद्यमान विधानअनुसार निर्वाचन गर्ने निर्णय गरेको छ ।
महाधिवेशनबाट गठित निर्वाचन समितिले आज पत्रकार सम्मेलन गरी सो जानकारी दिएको हो । पार्टीको विधानअनुसार एक अध्यक्ष, दुई उपाध्यक्ष, दुई महासचिव, आठ सहमहासचिव र १२१ केन्द्रीय कमिटी सदस्यको निर्वाचन हुने निर्वाचन समितिका संयोजक तथा वरिष्ठ अधिवक्ता सीताराम केसीले बताए ।
पार्टी प्रचार समितिले आयोजना गरेको विशेष महाधिवेशनलाई समर्थन गर्ने कांग्रेस भित्रका गुटहरू सहभागी भइरहेका छन्।
१४औँ महाधिवेशनमा कूल मतदाता संख्या ४ हजार ७४३ थियो। निधन भएका र अन्य राजनीतिक दलमा आवद्ध भएकालाई छाडेर अहिले ४ हजार ६ सय ३५ पुगेको छ।
निर्वाचन कार्यतालिका अनुसार दिउँसो १२ः३० बजे प्राविधिक मतदाता नामावली प्रकाशन गरी दावी, आपत्ति र प्रमाणीकरण दिउँसो १ः३० बजेसम्मको समय तोकिएको छ । त्यसपछि दिउँसो २ बजे अन्तिम मतदाता नामावली सार्वजनिक गरिएको थियो, त्यसपछि दिउँसो २ बजेदेखि ३ बजेसम्म उम्मेदवारको मनोनयन दर्ता, ४:३० बजे उम्मेदवारको नामावली प्रकाशन गर्ने समय रहेको छ।
उम्मेदवारी विरुद्धको आपत्ति बेलुका ४:३० देखि बेलुका ५ बजेसम्म छानबिनका लागि लिइने सूचनामा उल्लेख छ । साँझ ५:०० देखि ५:३० बजेसम्म।
उम्मेदवारी फिर्ता लिने समय साँझ ५:३० देखि ७:३० बजेसम्म चल्नेछ, उम्मेदवार सूचीको अन्तिम प्रकाशन साँझ ८:४५ सम्म हुनेछ।