काठमाडौं, डिसेम्बर ६
नेपालस्थित कोरिया गणतन्त्रको राजदूतावासले शुक्रबार पाटन संग्रहालयमा भएको मास्क आर्ट प्रदर्शनीमा नेपालका १०० र दक्षिण कोरियाका ४० वटा मास्क प्रदर्शनीमा अतिथिको रूपमा सहभागी भएको थियो।
नेपाल हस्तकला महासंघले ललितपुर महानगरपालिकाको सहकार्यमा दक्षिण कोरियाको इन्टरनेशनल मास्क आर्ट्स एण्ड कल्चर अर्गनाइजेसन (इमाको) को सहयोगमा यो प्रदर्शनी आयोजना गरेको हो।
इमाकोका महासचिव वु ह्युक चोले कोरियाली मास्कको परम्परा र संस्कृतिलाई प्रवद्र्धन गर्ने उद्देश्यले उक्त कार्यक्रम आयोजना गरिएको बताए ।
कोरियाली राजदूत पार्क ताइयोङले नेपाल र कोरियाबीचको साझा मास्क सम्पदालाई प्रकाश पार्दै दुवै परम्पराको जरा अध्यात्म, रूपान्तरण र सामाजिक प्रतीकवादमा रहेको उल्लेख गरे। उनले बुद्ध धर्मलाई दुई देशबीचको महत्वपूर्ण सांस्कृतिक सम्बन्धको रूपमा पनि जोड दिए।
उद्घाटनमा ललितपुर महानगरपालिकाका पदाधिकारी, नेपाल हस्तकला महासंघ, कोरियाली प्रतिनिधि, इमाको प्रतिनिधि र ठूलो संख्यामा आगन्तुकहरूको उपस्थिति रहेको थियो।
प्रदर्शनी डिसेम्बर ७ मा समापन हुँदैछ।