काठमाडौं, अक्टोबर १५
नेपाल अर्को वर्ष भारत र श्रीलंकामा हुने ICC T20 विश्वकपका लागि छनोट भएको छ।
ICC T20 विश्वकप एसिया छनोट (पूर्वी-एसिया-प्रशान्त) अन्तर्गत बुधबार राति कतारले जापान र युएईले समोआलाई सुपर सिक्स चरणमा पराजित गरेपछि नेपाल र ओमानले बुधबार राति आमनेसामने हुनुअघि नै विश्वकपमा आफ्नो स्थान पक्का गरेका छन्।
सुरुमा नेपाल र ओमानबीचको खेलको विजेताले T20 विश्वकपका लागि छनोट हुने भनिएको थियो। तर, अघिल्ला खेलको नतिजा आफ्नो पक्षमा आएपछि दुवै टोलीले आफ्ना अन्तिम दुई सुपर सिक्स खेल खेल्नुअघि नै विश्वकपका लागि टिकट बुक गरिसकेका छन्।
सुपर सिक्समा, नेपाल र ओमान दुवैले यसअघि नै लगातार दुई खेल जितेर ६/६ अंक जोडेका छन्। छनोट नियम अनुसार सुपर सिक्सबाट शीर्ष तीन टोली विश्वकपमा पुग्नेछन्।
नेपाल समूह चरणमा कुवेत र जापानलाई पराजित गर्दै सुपर सिक्समा पुगेको थियो । सुपर सिक्समा नेपालले यसअघि नै
नेपालले आफ्नो पहिलो T20 विश्वकप २०१४ मा खेलेको थियो। दश वर्षको प्रतिक्षापछि २०२४ मा फेरि प्रतियोगिताको लागि छनोट भयो।
२०२४ को विश्वकपमा समूह चरणपछि नेपाल अर्को राउण्डमा पुग्न नसके पनि, दक्षिण अफ्रिकासँग मात्रै एउटा बलियो लडाइँ खेलेर विश्व क्रिकेट समुदायलाई प्रभावित बनाएको थियो।