काठमाडौं, नोभेम्बर १२
भारतमा जारी नेत्रहीन महिला T20 विश्वकपमा नेपालले विजयी सुरुवात गरेको छ।
बुधबार भएको उद्घाटन खेलमा नेपालले श्रीलंकालाई ९ विकेटले पराजित गरेको थियो । श्रीलंकाले दिएको ८८ रनको लक्ष्य पछ्याउँदै नेपालले ५.२ ओभरमा एक विकेट गुमाएर ८९ रन बनायो।
ओपनर मानकेसी चौधरीले २२ बलमा ६१ रनको धमाकेदार नटआउट खेल्दै नेत्रहीन महिला विश्वकपमा अर्धशतक बनाउने पहिलो खेलाडी बनिन्। त्यसैगरी, बिन्दा पुनले ८ बलमा १३ रन जोडे
यसअघि टस जितेर पहिले ब्याटिङ गर्ने निर्णय गरेको श्रीलंकाले २० ओभरमा ८ विकेट गुमाएर ८७ रन बनाएको थियो। मिहिरानी दुलाञ्जलीले सर्वाधिक २३ रन बनाएकी थिइन्
नेपालका लागि कान्ति योगीले तीन विकेट लिए भने मनकेसी चौधरी खेलको उत्कृष्ट खेलाडी घोषित भए।
नेपालले आफ्नो दोस्रो खेल शुक्रबार भारतसँग खेल्नेछ। भारतले पनि आफ्नो उद्घाटन खेलमा श्रीलंकालाई हराएको छ।